意大利‧佛羅倫斯‧米高安哲羅廣場

第2天早餐後 , 乘車沿太陽大道北行 , 前往文藝復興發源地----佛羅倫斯

在意大利 , 開車途中都會有這樣的加油  ,休息站 , 除了給汽車加油 , 也設有
小店及洗手間 , 予人方便 , 這樣的洗手間門口都有個 "廁所長"把關 , 凡進入者 ,
除了男士站廁外 , 無倫男女 , 只要是進入廁格關門者 , 一律要先給錢  ,
由5毫 ~ 1圓歐羅/2人 , ( 約HK$6~12) , 如是一人 , 也是此價  ,絕不議價 .
所以 ,  你想要放水的話 , 必先速速磅 , 不要兩頭望.......
在意大利好多名勝景點的洗手間都是收費的 , 每天眾多的人數 , 收入絕對可觀
所以 , 考慮在那邊投一間廁所來收錢 , 應該比投資香港所謂的豪宅  ,來得回報率
更高 .

在途經的好多農田中 , 當地人將收割好的禾草, 都卷成這樣的草埻 ,
隨意地放在田埂上 , 非常驚奇 , 應該是用機器卷成的吧 , 非常整齊的
草卷 , 很難猜到 , 將有甚麼用處......

米高安哲羅廣場位於山上  , 複製的大衛像豎立於廣場中央

於廣場 , 可俯瞰佛羅倫斯舊城全景 , 包括 : 聖母之花大教堂  ,安奴河 , 古橋及
聖十字架教堂等

這天巧遇有當地華人舉行婚禮 , 在如此美妙之地拍攝婚紗照  , 新郎拋花球

由這位肥仔接到 , 看他也露出嬌俏的笑容
這些大多是大陸移民 , 以溫州人為多 , 他們多數都以開中餐館為業
聽說只要會做咕嚕肉 , 蕃茄炒蛋 , 炒青菜這幾樣菜式 , 便可在當地
開中餐館......咦........我的那幾道板斧........好像太埋沒了吧.......應該在當地非法
居留 , 混他個一份半職 , 賺取些少歐羅才對呀.........唉.......又錯失了一次生財機會....

既便是複製的 , 但雕像同樣傳神 , 大衛挺拔的身軀 ,堅實的肌肉
凌厲不屑的目光注視著前方  , 看似放鬆的姿態 , 實際已準備就緒
迎接將要面臨的頑敵

背後的身體線條 , 同樣完美.

rachel at 08/22/2008 08:18 am comment

好彩有 jiji 一齊問妳呢個問題...妳對果個人像特別鍾情 典解會係由新郎掉花球既...

毛豆 at 08/22/2008 03:35 pm reply

呢個大衛像出名靚 , 線條 ,肌肉都係非常精緻 , 每個角度都想睇真佢.....係靚既野我都鐘意 , 你有冇貢既線條呀 , 有既影黎睇 ,我都一樣鐘意........ 人地既習俗啦 ,又可能新郎大力......我冇乜興趣理呢家野喎.....

Clara at 08/20/2008 03:37 am comment

"意大利好多名勝景點的洗手間都是收費"乜咁似大陸呀？要比錢係咪好乾淨先？

毛豆 at 08/20/2008 03:05 pm reply

意大利同法國多收費 , 瑞士個邊本身大把錢 , 唔使收...... 乾唔乾淨 , 真係要睇你之前個位既手尾了........

ii at 08/20/2008 12:07 am comment

帯個膠樽節省好多~~ 似乎妳幾欣賞[ 大衛像] 右腳下果舊係咩黎?

毛豆 at 08/20/2008 12:12 am reply

貢既野你都諗得出.......你點用呀.......男人都唔使啦 , 企係免費既....... 由正面睇 , 個舊係樹枝......

王木木 at 08/19/2008 05:56 pm comment

你對大衛像好有興趣噃  好少一個景點影咁多張相架喎 曉煮呢幾樣嘢就可以喺到開餐館架喇, 歐羅好洗好用喎

毛豆 at 08/19/2008 08:07 pm reply

我對所有靚野都有興趣 , 係值得睇多幾眼既..... 歐羅梗係好洗好用啦 , 不過 , 都未及英鎊........

yvonne yycake at 08/19/2008 09:32 am comment

大衛像............

毛豆 at 08/19/2008 01:24 pm reply

點睇..........係咪好想有佢既線條呢......

Angela at 08/19/2008 09:27 am comment

你一定看人家的線條看得目瞪口呆

毛豆 at 08/19/2008 01:25 pm reply

使唔使呀 , 又唔係未見過 , 如果有貢既線條 , 點都值得睇.......仲想摸下.....