加入青葡萄及檸檬皮汁 多種香草
紅皮薯仔洋蔥作配菜
清香中混合鮮果的酸甜
非常適合夏天的味道
雞身搽滿橄欖油及鹽 檸檬汁香草
雞肚塞了滿滿的青葡萄及洋蔥
烤成後葡萄及檸檬香草的清香滲透整隻雞身
連同配菜的紅皮薯仔也吸盡精華
將極致美味完美呈現
鮮蘆筍配蘑菇香草
最喜歡的簡單美味
琵琶豆腐以打成膠的粗蝦粒拌豆腐香蔥
考耐性地一匙匙炸成金黃香脆
再快炒翡翠苗鋪個青草地
非常不錯的小菜一碟
面包face at 07/03/2009 04:36 pm comment
嘿嘿...我將薯仔青椒蘑菇切碎+咗少少salt就咁放入焗爐lo, 出來既效果係灰色一"pat"嘢^^
毛豆 at 07/03/2009 09:45 pm reply
噢 , 薯仔 , 蘑菇同青椒呢3樣野既質地完全唔同 , 所以唔可以同一時間焗呢 ,蘑菇好快熟 , 焗得耐就乾 , 青椒熟左 ,薯仔仲未 , 所以要分開家........同埋一定要落油拌勻先得 , 唔係一定好乾家......
at 07/03/2009 02:31 am comment
清新口味, 而且隻雞還好脆皮.....
毛豆 at 07/03/2009 09:43 pm reply
嗯 , 加左香草烤雞 ,真係好香.......皮有人包辦 ,我唔食家......
Angela at 07/02/2009 06:47 pm comment
好好餸呀 我有理由相信o的薯仔可能仲好食過o的雞 琵琶豆腐.....我就話啱姐,炸野你都啱......
毛豆 at 07/03/2009 12:37 am reply
呢類紅皮薯加埋香草焗 , 真係好正 , 煙煙韌韌既.......整完呢餐仲有大半剩 , 我第2日整左焗薯角 ,正到呀..... 全世界都知我係炸野係最愛 , 所以話呀 ,同你條友真係唔係好熟......
吳太-「玲」感蛋糕 at 07/01/2009 11:43 pm comment
嘩.....好正呀! 毛豆 Honey真有口福! 我就有眼福
毛豆 at 07/02/2009 09:32 am reply
呀太, 你仲有口福啦 , 有你隻牛煮俾你食喎..........
面包face at 07/01/2009 07:52 pm comment
豆豆...我今晚煮既嘢簡直係一塌糊塗, 跟住又見到你煮既嘢, 真係嚴重受打擊
毛豆 at 07/01/2009 09:35 pm reply
包包 ,你今晚煮左咩杰作呀.........煮野時你又諗緊邊個靚仔呀 , 搞到咁大鑊.........
艾菲妹 at 07/01/2009 03:38 pm comment
真係好鍾意見你整燒雞, 實在係好靚...好豐富的一餐, 3樣都好好味...
毛豆 at 07/01/2009 04:55 pm reply
艾菲 , 用焗既冇咁熱嘛 ,又好味呢.........
王木木 at 07/01/2009 12:19 pm comment
小豆豆豆 午你個超級熱遊行勁塞車唔知去邊個大安呀 你有咩節目呀
毛豆 at 07/01/2009 12:35 pm reply
小木 , 今日個遊行係由baby帶頭家 , 佢仲著定紅色3點式去家 ,所以我一於睇實電視直播捧佢場啦.........依家等緊係集合呀 , 咋咋淋去啦.........
柏 斯 lei at 06/30/2009 11:41 pm comment
願平安喜樂常與您同在！
冰冰Tracy Ice at 06/30/2009 06:46 pm comment
哈哈！豆豆2人分量！！吃D饭就差5多够饱咯！我要做个大吃妈妈啊！
毛豆 at 07/01/2009 12:04 am reply
冰冰 , 呢餐冇飯食呀 , 好飽啦.........
Gael at 06/30/2009 06:13 pm comment
唔錯喎
毛豆 at 07/01/2009 12:03 am reply
多謝喎.......
濃情朱古力碰上士多啤梨 at 06/30/2009 04:41 pm comment
毛毛豆我地又準備差不多收工la..你去左邊樹呀??今日晏就唔見你既??唔通你去左食冰呀??呢幾日真係熱到不得了呢..好辛苦呀... 你除左食冰外都唔好周圍去la..
毛豆 at 07/01/2009 12:03 am reply
卡卡 , 又話我去食冰呀 , 你當我係食冰代言人咩 , 咁真係全世界都俾我老點啦.....好大鑊喎 .......我出左去遊蕩咋......
王木木 at 06/30/2009 04:40 pm comment
青光小豆豆豆..午你個就快放工去睇戲個大安呀 小豆呀..我地公司今日炒佐三個人呀...個大老闆勁衰一啲人情味都冇架 飛番韓國喇...黑人憎 我會烤番半隻雞比佢食囉...一隻就唔好喇...佢成日喺街買啲雞批番嚟開支紅酒嘆呀...唔可以食太多架嘛 炒番百幾碟馬場草地比你食就係路喇...清清佢啲膽固醇呀 上次我用紅洋葱煮意粉呀..好味到暈呀~ 生食洋葱我都唔係太接受到..
毛豆 at 07/01/2009 12:01 am reply
小木木木 , 去睇咩戲呀 ,chanel呀 ........你公司炒3條友呀 ,咁梗係佢地冇價值啦 , 老闆都唔會隨便炒人家啦......有時唔係下下都要講人情家 , 始終都係利益關係呢........你估做人世咩..... 你又打斧頭烤半隻咋 , 同一隻有咩分別呀 ,好細隻咋.......紅洋蔥係甜好多 ,所以整沙律生食都冇問題囉 , 白洋蔥就好辣啦.......
濃情朱古力碰上士多啤梨 at 06/30/2009 11:12 am comment
烤雞毛豆早你個大晨呀．．繼續炎熱既天氣真係好有衝動去食返碗綿綿冰咁呢．． 哎呀．．．毛毛豆炸雞岩我呀．．我鍾意食呢．．我屋企人都好鍾意成隻雞撕黎食．．佢地話咁食有味道ｄ呢．．今次你呢隻炸雞好清新咁呀．．酸酸地咁．．好開胃呢．．你一路幫佢搽滿橄欖油時， 有冇順便幫佢按摩埋呢？？依依．．你屋企係咪好鍾意用焗爐整食物嫁？？好健康喔 露筍我都麻麻地呢．．不過磨菇我岩嫁．．加左咁多香草咁更香更加正．．好健康喔 耶耶．．琵琶豆腐我愛也．．應該話好多香口野我都鍾意呢．．呢碟餸真係好考耐性呀．．慢慢少少一匙匙咁拎去炸．．好有心機呀你．．咁你果堆草有冇落油炒呀？你而家用黎墊琵琶豆腐， 咁堆草咪咁晒ｄ油囉？？
毛豆 at 06/30/2009 11:55 pm reply
卡卡 , 我唔會日日去食冰呢 , 經過唔使排隊都會諗下啦....... 呢個炸雞係要幫佢按下先家 , 等佢入咪嘛 , 用焗爐方便嘛 ,又唔使咁熱 , 夏天最好啦........你又唔食蘆筍家 ,好野黎家 , 好好食呢.....個堆草有炒家, 好少油 , 唔會好肥家 , 豆腐炸完放嗦油紙 , 唔會太多油份啦.........
美蒨-Cindy Ho at 06/30/2009 08:22 am comment
早晨呀~毛豆.... 幾日冇見....一見就有烤雞吃...好正呀!!! 發覺你好喜歡整西方食物喔...而且都好有水準添... 樣樣都咁吸引... ....
毛豆 at 06/30/2009 10:58 am reply
早你個幾日唔見既大晨呀 ,Cindy ,呢隻烤雞唔錯呀 , 吸左檸檬香草提子香味 , 好清呢..... 我咩方食物都鐘意家 , 有得食就得啦.......水準梗係冇啦 , 亂煮咋.......
JC mama at 06/30/2009 02:51 am comment
我都好似宇治咁...見到碟雞同 琵琶豆腐都凸曬眼...好想食呀!!!琵琶豆腐我有興趣整喎...
毛豆 at 06/30/2009 10:57 am reply
你唔好學佢呀 , 個條友超級唔係路家....... 琵琶豆腐易整啦 , 用蝦同豆腐撈勻炸得.........鐘意仲可以加冬菇各樣你鐘意既野撈埋一齊.......
York at 06/29/2009 11:57 pm comment
頂!!!你係唔係路呀.....使唔使整到咁正呀?你有病呀? 我見到隻雞同琵琶豆腐就好似你banner果隻貓頭鷹咁,對眼都突哂..... 隻雞搽左d咩lotion可以燒得咁靚呀? 個豆腐呢,你係用咩粉炸?邊隻炸粉.....我要叫阿媽學下先!!
毛豆 at 06/30/2009 10:55 am reply
冇錯 , 我成日都唔係路家 ,平時有食開藥 ,咪好正常唔會煮野囉 ,咁0岩食哂藥 , 即時神經病大發呀 , 唔係點會玩煮飯仔呢..... 你小心你既大眼仔跌出黎呀...... 隻雞係咁易搽左凡士林咋 ,夠哂保護嘛...... 炸粉要黎搽面家嘛 ,點會撈豆腐先得家 , 你仲唔係路啦.......
Angel at 06/29/2009 11:23 pm comment
隻雞真係好正，睇到我d口水滴不停，今個weekend 要試下！想問下你用d香草是新鮮還是乾的，隻雞是否春雞？
毛豆 at 06/29/2009 11:44 pm reply
哈哈 ,有冇咁緊要呀...... 香草新鮮同乾貨2樣都得 , 同油一齊 搽勻雞身內外 , 焗出黎都一樣好香........有時新鮮唔一定手頭有......... 係一袋裝住既有機雞......大過春雞少少.......
妹妹 at 06/29/2009 10:59 pm comment
毛豆豆豆~~ 我今日係公司唔敢細心睇你黎篇，我怕我d口水會不其自然咁流出黎，到時比人睇到，真係咩野面都冇啊﹗ 夏天用生果黎煮餸真係好好，不過第一次見用青提子黎焗雞，我諗只雞一定充滿晒提子同香草的香味，我都好想食啊﹗ 個鮮蘆筍配蘑菇你一定落左好多香草，咁你其實係落左咩野香草，我開頭以為係海苔啊﹗ 你連琵琶豆腐都自己整，我覺得黎d餸係應該出街食架，不過街整個d又油又唔好食，所以都係唔會成日叫啊﹗
毛豆 at 06/29/2009 11:40 pm reply
妹妹 ,你流口水閒事啦 , 即管流 , 冇人話你家...... 呢個你都試下啦 , 好清香.......法式料理好多時都用到提子等生果 , 唔止係甜品上家......蘑菇淨係落左細蔥同parsley , 鹽 ,胡椒咋 , 海苔你都諗到 , 好彩你冇諗係鑊屎咋....... 琵琶豆腐都唔難整啦 , 蝦同豆腐調味之麻 ,唔係咩大野啦.....
查查 at 06/29/2009 10:17 pm comment
豆豆豆。。。好想問你平日幾多人開飯架，點解次次都咁大魚大肉既，你食唔食得晒架，唔係可以搵我幫手喎！呵呵～～
毛豆 at 06/29/2009 11:22 pm reply
查查查 , 我屋企一定唔會一家8口加埋貓狗啦 , 咪同你差唔多 ,話哂你都仲有4隻爬下爬下呢...... 其實我地餐餐份量都唔多家 , 好似呢餐都係清哂, 同埋淨係食餸 ,唔食飯家啦........
冰冰Tracy Ice at 06/29/2009 07:05 pm comment
~哟哟~好正的一餐啊！喜欢琵琶豆腐+多菜的晚餐啊啊啊~健康极了！豆豆~白饭一碗啊！
毛豆 at 06/29/2009 09:10 pm reply
冰冰 ,咁多野邊仲使食飯呀 ,你超級唔係路啦......
王木木 at 06/29/2009 01:50 pm comment
小豆豆豆...今日我真係威呢 呢隻烤雞啱晒我家老爸呀..佢每日都話要食烤雞架...釀入青提都幾特別喎, 青提汁浸佐入隻雞到唔知會係咩味呢... 紅洋葱好味過普通洋葱呀..嗰次我唔小心買錯佐原來係好味好多架...不過貴好多 蘑菇+露筍餐餐食都唔厭 做配菜一流呀 今次個露筍整法係咪唔同佐呀...個樣好似好味啲咁既 超愛琵琶豆腐 喺街都成日叫呢個架...不過佢地麻麻地鍾意食...青草地係咩菜嚟架?
毛豆 at 06/29/2009 08:57 pm reply
小木木木 ,你老爹日日都話食烤雞 , 你仲係度焗餅乾 , 係咪路家你........咋咋淋烤個十隻8隻孝順下你老爹啦 .....加左提子 , 唔會有咩汁, 焗完你見仲係原碟一粒 , 只係好香果味 , 好清新 , 冇咁肥膩 ,D提子更軟熟. , 好甜....... 冇紅洋蔥呀 , 係紅皮薯仔咋 ,眼光光發青光小木........加左香草一齊焗, D薯仔好正呀 , 紅洋蔥多數整沙律用 , 甜好多 , 冇咁辛辣味...... 今次蘆荀係粗身既 , 都係快手煎炒啦 , 加香草 , 只係煎炒多1分鐘到 , 等佢軟身少少更入味..... 原來小木都鐘意琵琶豆腐呀 , 有蝦肉嘛 , 真係唔錯家 , 都好易整啦....我底下用炒左既翡翠苗鋪係度呀 , 你咪當馬場個草地先得家.........
妹妹 at 06/29/2009 10:34 am comment
毛豆豆豆~~ 早晨啊﹗使唔使幾分鐘就咁多人啊﹗
毛豆 at 06/29/2009 12:18 pm reply
妹妹 , 今日小木木木威啦 , 係人都唔夠佢快呀.......
王木木 at 06/29/2009 10:32 am comment
星期一嚟擺番個位先
毛豆 at 06/29/2009 12:17 pm reply
小木木木 ,今日你威啦........
王木木 at 06/29/2009 10:27 am comment
(Empty)
毛豆 at 06/29/2009 12:13 pm reply
(Empty)
沒有留言:
張貼留言