龍脊

佛誕之日又起程爬山
驅車前往小西灣為起點往龍脊

連日大雨心中祈盼是日好天氣
剛起步不久便開始下雨更越來越大
只好加快步伐趕往前面亭台避雨
幸好只是一瞬間過雲雨可繼續上路
以為降雨之後可以清涼
卻不知悶熱難當不見一絲微風
小走幾步便已汗如雨下全身濕透
再之後更豔陽盡露暴曬全程

漫山的山棯花開遍四野
很快便會吃到酸酸的果實了

怕羞草的花像一粒毛毛球
右下一片縮起的葉子是我多手拍了她一下

很獨特的不知名藍色果實
在植物界算是少見

石澳高球場

地處優勢位置的懲教處

這隻蝴蝶貼在一片樹葉底下 像是玩雜技

快步走過時還以為是一條捲曲的嫩葉

回身再看 原來是一條足足手指粗長的大肥蟲
厲害

又一仿佛落葉的蝴蝶

山腳處樹根邊無數的野菇 最大的跟手掌相若

經過一大段林中泥地後便開始無止境上坡路
馬不停蹄一直往上再往上
將近山頂前約200多米處感覺暈眩

當時正處半山毫無遮掩處
烈日當空四處連草叢都無之境
唯有以意志力抵抗住陣陣暈眩

暗暗叫自己撐住不要失去意識
稍作休息後  暈眩感慢慢減退

本想就此下山但望向不遠處之山頭
就此罷休心中必感遺憾
於是堅持往上最頂處完成全程

終於見到龍頭

最後不負一番努力來到山頂

山腰雲霧繚繞

紅山半島

石澳沙灘遊人喧囂聲在山頂也可聽見

下山時經一泥濘斜路
步步為營也難免馬失前蹄
在亂石中再次滑倒
右手向後支撐雖幸免不至太傷
2隻手指及手臂已擦至損傷
但相比之前的暈眩實屬小事一椿
就當是對自己的又一次磨練
之後跟大帝閒聊笑說他當時非常緊張
我說假如真的昏迷便可叫來直升機
他也順便可以遊直升機河
not bad

Anna at 06/02/2010 10:26 am comment

豆豆,我終於留到啦 !!!!!! 雅虎真係好唔掂,成日問題多多,仲有個驗證,簡直係多此一舉 ! 最近少來探妳, 但我時時都記住妳ga ! 我會在此....靜靜的等妳的新煮意出現!

Anna at 06/02/2010 10:19 am comment

豆豆, 早晨啊 ! 剛剛留左2個都唔得,真係無心機, 而家再試下 !

Jasmaine at 05/25/2010 09:39 am comment

Kipnap me??  Police, police.......

毛豆 at 05/25/2010 09:45 am reply

你報警都冇用家 ,D差佬最叻就係抄牌咋.....

Motonako.A at 05/25/2010 04:19 am comment

早呀豆豆~~又天陰陰...灰暗暗喇...真冇癮呀！今晚整魚批喇...Yeah！                          

毛豆 at 05/25/2010 09:44 am reply

早呀 ,我地今日超級勁熱呀 ,冇命啦...... 今日整魚批呀 ,咁梗係整埋我份啦 ,仲使講既 ,係咪先......

王木木 at 05/24/2010 09:51 pm comment

小豆豆...你意志力好強勁呀 行山時真係唔可以同自己講好辛苦頂唔住架...要不停話好快到..加油 加油咁先係路架 呢段路好多泥路..如果落完雨好滑架   你有冇帶嗰啲盲公竹去行架...如果行啲難既路我都想買支呀...好似安全啲呢   咁你既傷好番未呀

毛豆 at 05/24/2010 10:25 pm reply

小木, 行山本身就係意志力既考驗 , 可以每一次挑戰高難度既路程  ,又可以完成既 ,咁就係對自己既一種磨練 ,好事黎家..... 小木 , 我唔鐘意用行山杖家 ,要拎多樣野 ,仲覺得阻住呢 ,所以有我都唔用 , 如果唔影相 , 就咁一條毛巾行家啦 ,水樽都係裝係背包由毛大帝背呢 ,呢次跣腳係完全以為唔會既地方跣低  ,通常都係咁家 , 果日落完雨 ,好多泥漿地添呀.....擦損2隻手指同手臂 ,依家淨係幾條傷印 ,冇咩大礙啦....唔使擔心呀 ,我由細跌大家嘛

金珠寶釵 at 05/24/2010 05:07 pm comment

我巳好久沒去行山了，如今爬段小斜坡亦氣喘 。 毛豆能登上高峰，除體能考驗外更是意志力的經受，叻女！

毛豆 at 05/24/2010 05:52 pm reply

寶姐姐 ,你之前咪每日落公園急步行既 ,依家又冇啦...... 行山係對意志力好好既考驗 , 我都係當一種磨練.......

Gael at 05/24/2010 04:09 pm comment

你的意志力都好犀利下喎

毛豆 at 05/24/2010 05:51 pm reply

意志力係好緊要既 ,尤其當身處不利因素之下  , 一放鬆就前功盡廢 ,但可以堅持 ,也就撐過去.........都係一線之差.......就當俾自己一個磨練啦......

llada at 05/24/2010 03:38 pm comment

哈﹗真巧，當日我也是往龍脊行山呢，你的相中情境全都見到，不過我就沒有你拍攝得這麼靚呢。

毛豆 at 05/24/2010 05:47 pm reply

咦 ,咁0岩呀.........果日可能假期,真係沿途多左好多行山客 ,平時我都係閒日一早行 ,完全冇人家..... 果日真係超熱 ,焗得好緊要..........

王木木 at 05/24/2010 01:44 pm comment

小豆豆..好耐冇見喇   話咁快又放完假lu... 原來嗰日你就係行佐呢到呀..睇你行好似好辛苦咁喎   同我講既感覺好唔一樣咁既   可能天氣都好大影響呢    嗰日朝早落大雨咩...未瞓醒都唔知添 同埋呢..嗰日好多菇菇同蟲蟲喎    冇行半個月景象都唔同晒咁呀 哈哈哈   如果mimi行呢到實嚇屎佢囉..嗰條肥毛蟲咁大條既 上次行西貢又係覺得要飛行服務隊救呢  haha  有時頭暈唔可以頂架..暈佐好大鑊架  

毛豆 at 05/24/2010 05:46 pm reply

小木,你放完假啦 ,有冇去邊玩咁呀...... 係呀 ,咪同你講左要行呢度呢........但果日既天氣同你個次完全唔同呀 ,一絲風都冇 ,上到山頂都係少少咋 ,落左場雨唔涼反而又曬又焗 , 空氣都冇流通家..... 係呀 ,你上次冇見菇菇咩 , 我落山時仲見橙紅色家 ,不過果時手都擦損 ,相機都好多泥 ,費事再影啦......有隻好似手板咁大家.....真係勁........條毛蟲真係好少見呀 ,大到呢....... 小木 ,如果呢次我唔撐住 ,真係要call直升機吊走啦.......好彩都冇事 ,之後繼續行上頂.........意志力好緊要呢........

面包face at 05/24/2010 11:33 am comment

豆豆...又暈又跌底你點搞ga, 下次見唔舒服就唔好繼續行la, 萬一真係暈底or跌底咁點算ar 山棯見就見得多, 但從來都未見過佢既花, 估唔到係咁靚 龍脊d風景好得ar, 有機會我都要去行下先得

毛豆 at 05/24/2010 05:42 pm reply

包包 ,呢條路對我完全冇難度, 只係當日天氣問題 ,一開始落左場雨, 之後就超焗又曬 ,行好長段林中路, 密不透風 ,上山又曬又冇風 , 所以暈暈地 ,但都冇咩大礙 ,我一路令自己唔好失去知覺, 最後都可以完成全程  , 當係個考驗囉..... 係呀 ,我都係第1次見山棯花 ,再過多一排就有得食啦..... 龍脊都屬靚景山徑之一啦 ,又唔算難行 ,所以你第日都試下行啦.......

bigheadmabel at 05/24/2010 10:57 am comment

我曾經參加過第一級山藝, 其中一次練習時間竟然落雨, 因為冇雷暴警告, 冇得取消照行....... 結果步步為營, 整腳整條褲都係泥泥泥泥.... 為咗張證書而辛苦自己, 下次咪搞我啦~以後落雨中或落雨後絕對唔會去行山呀~

毛豆 at 05/24/2010 11:05 am reply

行山其中一樣就係磨練自己既毅力同EQ ,你少少野都受唔起, 唔係路啦 ,有泥怕咩 ......做人唔需要下下為證書而去做 ,區區一紙證書 , 唔代表咩.......

濃情朱古力碰上士多啤梨 at 05/24/2010 10:41 am comment

小豆係我呀, 我又黎啦, 3日既假期過得超級快呢..今日又要努力返工啦, 尋日同今日d天氣好舒服呢, 你覺得嗎??不過你去行山之日天氣就真係熱到不得了, 你有冇中暑呀>??記得飲返多d水呢..

毛豆 at 05/24/2010 10:49 am reply

卡卡 ,隻唐老鴨好搞野呀.........哈哈..... 係呀 ,好快又過左3日假期 ,今日都好熱呀,你熱唔熱呀........果日真係超焗 ,我爭D中暑呀 ,好彩之後撐得住咋.......係呀 ,真係似好多水呢........

菲仔 at 05/24/2010 10:01 am comment

下次咁熱就唔好行山啦, 好容易中暑

毛豆 at 05/24/2010 10:11 am reply

如果熱有風都冇問題 ,果日係完全冇風, 所以焗得好緊要 ,又之前行左一大段林中小路 ,周圍都圍住哂 ,空氣唔流通囉......

冰冰Tracy Ice at 05/24/2010 12:30 am comment

~豆豆，你的手手没事吧？下次小心D啊！记得 带支棍去啊！噢噢，你最近好爱上山看花花哦！

毛豆 at 05/24/2010 08:47 am reply

早呀 ,冰冰 ,梗係冇事啦, 擦損皮0者 , 由細跌大家嘛.....碎料啦.......拈花惹草幾時都係我最愛啦 ,係咪先.......

Nicole at 05/24/2010 12:04 am comment

見到條路咁長都己經暈喇！ 佩服佩服

毛豆 at 05/24/2010 08:45 am reply

呢條路完全冇難度啦.......

妹妹 at 05/23/2010 06:02 pm comment

毛豆豆豆~~ 你好嗎﹖黎到我地頭都唔出聲啊﹗ 尋日的天氣真係好悶熱，你同大帝仲去行山， 真係服左你地，你係唔係太攰所以頭暈，不過你山上暈到真係好麻煩，好彩你最後冇事啊﹗我都有幾次好似你咁滑到過，擦到對手同腳都損晒，之後再行黎D泥濘路我就會好驚，行起上黎會更加小心啊﹗ 你就咩野影條毛毛虫啊﹗睇到都毛骨悚然好鬼驚啊﹗

毛豆 at 05/24/2010 08:45 am reply

早呀 ,妹妹 ,就係知你地頭 ,先靜靜地去嘛 ,俾你捉住要收買路錢仲得了既..係咪先..... 其實天氣熱冇問題 ,但冇風就真係好大鑊  ,空氣都唔流通  ,超焗呀....跌倒冇咩事啦 ,對我唔會有咩心理陰影 ,我跌大家嘛....... 有毛蟲睇先精神呀 ,幾靚呀, 我諗住捉返黎送俾你家.......

舸兒 at 05/23/2010 02:18 pm comment

龍脊是我這等懶人的最愛，因為不太辛苦，又風景優美。

毛豆 at 05/23/2010 04:46 pm reply

你肯上龍脊 ,懶極有限啦 ,真正懶人連平路都唔願行既........

Jasmaine at 05/23/2010 08:52 am comment

Oh dear!!  I hope when you next ride a helicopter, it will be your personal one!

毛豆 at 05/23/2010 11:30 am reply

如果我有私人機 ,一定第一個去劫持你

Olga Kitchen at 05/23/2010 01:52 am comment

毛豆﹐你好嗎?

毛豆 at 05/23/2010 11:27 am reply

好耐冇見呀 ,你好嗎......我都係咁啦.....一如以往

Kestrel at 05/23/2010 12:50 am comment

        果日天氣咁悶熱妳先 嚟郊 遊！？今次到妳真係唔係路喇！好彩妳都無大礙，只係暈同皮外傷。         果幾朵山棯花好似和 菓子呀！

毛豆 at 05/23/2010 01:10 am reply

其實熱冇問題既 , 但之前落左場雨後就勁焗 , 又完全冇風 ,呢係最緊要既 ,空氣冇流通 , 又中途冇停過一路上 , 焗得好緊要...... 最後停左一陣都冇咩大礙又再行埋之後既一段 ,點知再上多2段斜路 ,都可以上到頂都算幾開心.......擦傷皮 ,小事啦... 山棯花開到成山都係 ,再過一排就食得啦......

艾菲妹 at 05/23/2010 12:23 am comment

最近天氣好悶焗, 小心中暑哦...雖然有損傷, 還好不用call helicopte呢...hehe

毛豆 at 05/23/2010 01:05 am reply

係呀 ,艾菲, 之後先知尋日係今年以黎最熱既 一日 ,其實熱唔怕, 但完全冇風又曬就好辛苦.......都係少少擦傷, 冇咩大礙啦.....

鷹頭獅 at 05/23/2010 12:15 am comment

 咁死熱仲去行山, 服左你咯! PS. 條毛虫真係好肥美下喎!

毛豆 at 05/23/2010 01:01 am reply

係呀 ,真係估唔到熱得咁緊要 ,完全冇風呀 ,冇命...... 條毛蟲我差d行過左呀 ,但佢綠得好緊要 ,再返轉頭睇先知係蟲咋........咁肥美真係少見....

Ping at 05/22/2010 10:25 pm comment

下了雨的山路，其實蠻危險的，是嗎？不過感覺上更接近自然了，空氣也一定更加清新。毛豆好眼力。那麼像樹葉的大毛蟲也躲不過你的相機底。

毛豆 at 05/23/2010 12:57 am reply

ping ,雨後山路非常濕滑 ,真是步步為營的 , 其實這段路不算難行 ,只因天氣太過悶熱 ,完全沒有風 ,又曬 ,所以體力負荷更多.... 肥毛蟲我差點已走過了 ,但因牠太過鮮綠 ,再回頭才看真 , 這麼大條 ,真是少見的.......

常歡笑 at 05/22/2010 07:57 pm comment

嘩, 今次好激喎, 龍脊上動土, 好彩化險為夷, 真係服咗你囉, 又撐贏了一仗! 仲影咁多相給大家分享, 真係大開眼界呀! 好喜歡居高臨下的景色呀!

毛豆 at 05/23/2010 12:55 am reply

今次真係估唔到熱成咁 ,計起黎條路唔算難行啦 ,純粹天氣影響 , 熱都唔緊要 ,係完全冇風 ,行段好長既林中小路焗得好緊要 ,半山又勁曬 , 最後真係中暑.... 我當時眼前黑哂呀 ,暈得好緊要 ,但幾大都撐住 , 成個人企係度令自己不至於完全放鬆 , 又用水倒係毛巾度敷面 ,咁慢慢就會涼好多 , 意志力真係好緊要 ,最低限度贏左自己 ,當係個考驗啦......之後再行返上去 ,只係恢復7成 ,但仲要上2段斜路 ,慢慢行上去 ,都算冇問題..... 由山頂望落 ,周圍既一切盡收眼底 ,真係好靚.......

Motonako.A at 05/22/2010 03:49 pm comment

午安喇豆豆~~ Tea 咗未呢？ 睇你行得咁開心又另我諗起以前喺香港跟大少玩野外定向呀.......十分懷念呢！我有年仲顛到一月呀去上黃山添呀...又凍又滑, 足足行咗三個钟先上到頂呀！好在我冇暈...不過行到想 C  喊咁口呀！不過上到去真係好靚...如入仙境....值得.....值得！

毛豆 at 05/22/2010 11:47 pm reply

晚安呀 ,消夜未呢..........呵呵..... 呢次行出個大頭佛黎呀 ,爭D ,天氣影響好大 ,成段路唔算難行既 ,不過超焗 ,完全冇風 , 我都係第一次咁咋.......好彩都冇咩大礙  ,頂得住......你仲勁啦 ,黃山都行上去.........

pigred at 05/22/2010 12:56 pm comment

好得意ar..:)

毛豆 at 05/22/2010 01:11 pm reply

係呀 ,好少見咁大條 , 色仲好青綠.