2010/6/24

台灣(四)--士林夜市

台灣士林夜市已去過多次
每次到台還是會去朝聖
我還是喜歡最早時仍在露天時的攤檔
小吃還是那些每次也必會吃過才安心



第一檔的鹽酥蟹
看到一大盤的蟹感覺非吃不可
而且肯定好好吃
結果完全不是那回事
炸得硬如樹皮又乾又硬
咬了幾口便起身走人



轉了一圈又一圈像進了蒸籠
再大的冰我也可吞下
花生冰 不錯好香滑





苦瓜從不入口的我  蜂蜜白苦瓜汁卻是每次必喝



最喜歡的愛玉  加了檸檬汁超好味
在台數天無論走到哪裡
一見到就會買一杯過足癮



這家炸雞排店門口超長人龍沒斷過
比鞋底更大的雞排更寫明一律不切
你就拎著一大塊鞋底般物體站著啃好了
99%對話中是港人





台灣自產的水果 是我的至愛
超大的蓮霧分2個品種
多汁又爽甜的是淺色那一款



多樣的串燒最要命的是雞屁股
最右側大大串的便是
真不明白怎會有人類吃那玩意
拎了一大串屁股在吃的人 他到底在想甚麼
Oh my goodness



走出像蒸籠的室內
過對面露天檔
第一眼見到烤粟米
以重量算價錢
加上醬汁以炭火即烤
可真是好味道



這叫雙胞胎的像是香港的牛脷酥
更是我童年回憶的小吃
外皮脆脆的內裡軟綿綿
咬下去淡淡的甜味
到現在依然喜愛









逛了整個士林
感覺並沒甚麼改變
但我敢肯定下次去台灣
還是會去遊一轉的
這叫做心癮




Kestrel at 07/01/2010 08:18 pm comment
        " 你講既情景係香港都唔少,全世界任何地方都有佢既美麗同陰暗面 "         呢層就當然啦,不過度度 嘅陰暗面都唔同,有唔同 style o架!我自己都唔係住 喺 啲高尚住宅區,都只不過係一般住宅,一樣唔係靚,一樣有污糟街度,但係唔同 style 囉!深圳同台北係完全一樣 嘅 style,而且係我最唔鍾意果隻。Personal feeling,唔識點同妳講,總之就渾身唔自在啦!
毛豆 at 07/01/2010 09:58 pm reply
好多野係純粹好個人既感覺, 最緊要唔好難為自己 , 唔鐘意既, 咪遠離囉....就係咁簡單......
Kestrel at 06/29/2010 02:14 am comment
        我覺得好似深圳咁污糟,街邊鋪頭又有少少 "up dup" 咁囉!無香港果種活力!其實我唔識講,總之個 feel 就好似啦!有 啲似由新加坡過境去大馬果種  feel,即刻落後 咗唔知幾多年咁囉!
毛豆 at 06/29/2010 09:10 am reply
你講既情景係香港都唔少,全世界任何地方都有佢既美麗同陰暗面,好平常...在乎你用咩心態同眼光去睇...一個城市梗有新舊交替 , 形成呢個城市既歷史.......
Kestrel at 06/27/2010 08:02 pm comment
        台灣未必再去喇,因為感覺唔係咁好,個 feel 仲差過返深圳!我媽咪之前去過都係咁話!
毛豆 at 06/28/2010 01:01 am reply
唔係嘛  ,雖然中台好多方面既文化好相似, 但始終唔同既....同深圳又好唔同囉....睇你去邊度啦.....全世界都有好有唔好, 世界大同,冇咩奇......
舸兒 at 06/26/2010 11:00 pm comment
第三張照片“賣飛佛”!
毛豆 at 06/26/2010 11:24 pm reply
除了白苦瓜汁,愛玉我也超喜歡的.....
楚文 at 06/26/2010 09:41 pm comment
台灣的水果沒有防腐劑, 新鮮d, 真係好好味.
毛豆 at 06/26/2010 10:14 pm reply
水果防腐劑 ? 你指農藥呀 ,呢樣野就好難講了, 除左有機野都會有農藥囉.....但台灣本土有出產好多水果品種,就真係好多選擇既.....
艾菲妹 at 06/26/2010 08:28 pm comment
毛豆, 我哋口味好一致, 我唔食苦瓜, 但去到台灣就會飲苦瓜汁...其實雞patpat我喺台北食過一次, 不過要咪埋眼食, 人一世物一世, 試下咋...雞排, 阿寶食咗2-3啖就放棄, 好嚡...
毛豆 at 06/26/2010 10:12 pm reply
艾菲,直情要give me 5啦,哈哈.....我到依家都唔食苦瓜, 個味道真係苦過dee dee  ,但一定會飲白肉苦瓜汁囉....嘩,估唔到你好勇喎 ,咁既野都夠膽擺入口,人一世物一世都唔會食呢家野呀 .....雞扒見佢炸出唔係金黃而係黑黑地, 就知個鑊萬年油幾咁有歷史啦.....
Kestrel at 06/26/2010 05:42 pm comment
        如果無記錯的話,我應該上次都有去士林夜市,因為行程係朋友安排,所以一路跟住佢行,無心裝載!好似係食到要趕捷運尾班車呀!         大雞扒必食!我 哋幾條友企 喺街度,用較剪剪開幾份分 嚟食,正呀!蜂蜜苦瓜汁就更加不可錯過啦!         愛玉其實係咩 嚟 o架?
毛豆 at 06/26/2010 10:09 pm reply
你下次再去就知地,唔使再跟人行啦....大雞扒我冇食, 熱辣辣又要排隊, 都食唔哂咁大件 , 對我麻麻囉.......苦瓜汁每次去必飲.....愛玉係我至愛,佢本身係一粒粒既植物種子, 煮左之後好似果凍咁既, 你見一舊舊既野,加左檸檬汁入去,好清新, 又可似食果凍咁....下次去記得試啦....
面包face at 06/25/2010 07:53 pm comment
豆豆...愛玉係乜東東來ga???
毛豆 at 06/25/2010 11:25 pm reply
包包, 愛玉係一種植物種子既野,煮過之後就變成好似果凍咁 ,加檸檬汁一齊, 好好飲...好似上海都有家.....係台灣飲品小食檔.....
bigheadmabel at 06/25/2010 11:11 am comment
白苦瓜汁必飲啦~ 食雞pat pat好似食緊自己個pat pat..... 有d內臟我仍然有咁既聯想, 例如牛脷~
毛豆 at 06/25/2010 11:19 am reply
係呀 ,白苦瓜汁甘甘地完全接受到 ,但苦瓜我點都唔食囉.... 食雞pat pat同內臟都接受唔到呀 ,超級核突野........
Jasmaine at 06/25/2010 09:32 am comment
Did you try the bitter squash juice?  Is it safe to eat out like that?  I haven't never done so, even while visiting HK some years ago!
毛豆 at 06/25/2010 09:42 am reply
有呀 , 個杯就係我買家....次次去都會飲 ,加左蜜糖都唔係好苦 ,接受到囉 ...但苦瓜我從來都唔食......下次你都試下啦........
美蒨-Cindy Ho at 06/25/2010 08:50 am comment
早晨呀~毛豆.... 又是一大堆的台灣美食...看了肚子好餓哦.... ... 其實每次看節目所介紹的美食都會讓人垂涎三尺.. ... 像士林這種夜市在其他地方如台南.桃園.高雄...等都會有 那麼多美食...肯定不會餓肚子...因為一直吃停不了口吧...
毛豆 at 06/25/2010 09:17 am reply
早呀 ,Cindy  ,台灣小食真係多得緊要 ,士林依家冇以前多呀 ,又入左室入 ,地方好迫 , 野食都少左好多囉.....不過我會食既都係少數 , 所以都冇咩問題 ,反而淡水成條街仲多呀......一路掃街真係唔會肚餓家.......
常歡笑 at 06/25/2010 02:12 am comment
見到白苦瓜我兩眼發光喇!
毛豆 at 06/25/2010 09:15 am reply
你又係同道中人呀......
Motonako.A at 06/24/2010 11:40 pm comment
我想食花生冰、牛脷酥、甘蔗汁....
毛豆 at 06/24/2010 11:49 pm reply
冰仲有好多唔同味家 ,香港都大把 ,你返黎食呀.......牛脷酥反而冇呢個好食呀 ,我一見就買黎食.......甘蔗汁都冇飲 ,都係鐘意愛玉囉......
吳太-「玲」感蛋糕 at 06/24/2010 05:49 pm comment
呵呵....我睇左晶華酒店嘞,好靚wor.多謝分享! 我想問係咪幾晚都住呢間呀!  
毛豆 at 06/24/2010 10:03 pm reply
呀太 , 呢間相當唔錯同埋交通都好方便  ,呢點好重要 , 唔使花太多時間轉車, 搭車....... 我自己去梗係住一間啦 ,仲轉黎轉去咩........
吳太-「玲」感蛋糕 at 06/24/2010 05:45 pm comment
好想去多次,....依家睇相緬懷一下先! 你住邊間酒店呀! 我上次住六福 ,水美 好正.
毛豆 at 06/24/2010 10:04 pm reply
快去啦, 搭個零鐘機咋 ,好方便........  
王木木 at 06/24/2010 02:11 pm comment
小豆豆..我嚟喇    今朝落瀑布咁呀...好彩轉車位有嘢遮住唔駛濕晒咋....真係吖   等人番佐工先落嘛 士林must到喇   我都係鍾意以前個士林多啲..好似選擇多啲咁   不過嗰時去唔興影相都冇得睇番懷念吓lu   淨係記得第一次飲白苦瓜汁就喺呢到喇... 大大雞扒真係冇辦法食得完架   食食吓天氣又熱就覺得好熱氣囉...你會唔會咁覺得呀   愛玉唔敢飲呀...冇嘢遮住飲完驚肚痛呀   好好飲架...
毛豆 at 06/24/2010 10:11 pm reply
小木, 依家成日會一日落幾場呀 ,你一定要帶把遮係身 ,著鞋都要盡量唔會濕腳既 ,我好怕濕腳呀......過埋呢個月應該會好好多啦....... 小木, 依家室內既士林又迫又少野囉 ,以前成條街,好多野家嘛 ......大塊雞排我真係冇本事食哂佢 ,同埋好怕佢地既萬年油呀,睇佢炸出黎都係黑黑地而唔係金黃既 ,就知個鑊油有幾多歷史啦......我唔會食囉.......小木 ,愛玉唔錯呀, 佢本身係植物籽煮出黎既 , 食落好似果凍咁 ,加埋檸檬汁好味呀 ,下次去試下啦.....
Sindy at 06/24/2010 02:03 pm comment
Kitty溫馨提示: 今日天陰有雨, 出門記得帶雨傘喔!!!
毛豆 at 06/24/2010 10:19 pm reply
多謝溫馨提示........
Anna at 06/24/2010 12:48 pm comment
豆豆, 午安 ~ 見妳一路介紹, 我真係忍不住口水流啦 !好想即刻可以食到tim ! 台灣的蓮霧..爽甜多汁, 蜂蜜苦瓜汁...清熱解喝非常有益,真是非試不可! 係啦 ! 豆豆妳有無試下瘦肉羹, 尤魚羹...好好味啊! 今次去到一定全不放過的...
毛豆 at 06/24/2010 10:13 pm reply
晚安呀, Anna , 哈哈 ,我都唔係影左好多野咋, 同埋依家既士林真係冇以前咁多野囉......而我又好多野都唔食既......苦瓜汁 ,水果就真係百食不厭家.....瘦肉/尤魚羹都冇食呀 ,咁熱辣辣真係冇胃口家 ,你就黎飛過去 ,食多d啦.......
濃情朱古力碰上士多啤梨 at 06/24/2010 12:19 pm comment
午安呀豆...黎喇我..士林呀士林, 呢個地方我超鍾意呢..每次我都必去嫁, 果到真係好多食物選擇, 樣樣我都好想試呢, 可惜個胃太細, 試少少就飽, 愛玉基基又係超愛嫁, 每次都係必飲呢, 超爽超解渴呀佢話, 哈哈, 燒粟米正呀, 又佢基基至愛呢, 不過我麻麻地, 我鍾意淥熟既粟米多d呢.. 白苦瓜佢地又係好鍾意飲, 不過我真係頂唔順佢d苦澀味呀, 但知道佢有清熱作用, 我都會閉氣飲幾啖呢.. 炸雞扒??而家好多地方都有喇, 次次都超多人排隊呢, 不過味道又真係唔錯wo..哎呀..好想食綿綿冰呀我..諗起都覺得正
毛豆 at 06/24/2010 10:16 pm reply
晚安呀 ,卡卡......呢個地方好多港人遊客都必到呢......仲要返尋味呀......但依家好似少左好多野囉 ,反而淡水條街仲多野食呀.......原來基基都咁鐘意個幾樣野食呀 ,粟米燒既好味好多呀, 最緊要係佢地既粟米係煙韌既 ,唔係甜粟囉.....卡卡 ,白苦瓜汁加左好多蜜糖呀 ,完全唔苦家 , 雞排我見咁多人都怕左 ,同埋都冇咩胃口食囉........咁既天氣真係冰先最0岩食呀........
妹妹 at 06/24/2010 10:45 am comment
毛豆豆豆~~ 早晨啊﹗又係我啦﹗ 去到台北唔去士林總係差左D野,點都要去行一轉啊﹗我係台北又係日日都要飲愛玉冰架,特別係熱辣辣時飲仲正,不過我就一定唔會飲苦瓜汁,一D都唔會飲啊﹗ 除左野飲外我又係必買生果食,仲要夜夜都買返酒店慢慢食,係台北有D生果比香港靚同平,唔食真係對唔住自己啊﹗ 我地食大大塊雞扖係唔會企係條街道食,買左之後就入去搵檔再叫小小野食,就可以坐係道慢慢嘆啦﹗ 我都唔明點解D人會食雞pat pat見到就已經唔開胃,佢地點解可以放入口架,好唔明啊﹗
毛豆 at 06/24/2010 10:19 pm reply
妹妹 ,朝朝都係你最早呀......... 士林依家冇以前咁多野 ,反而淡水仲多囉.....原來你都鐘意愛玉家 ,連上海都有但香港就完全冇囉.....淨係識珍珠奶茶......好唔掂囉...... 台灣生果真係好多又好正呀 ,蓮霧幾時都最鐘意 ,又爽又多汁 ,正呀...... 雞排有好多人買完就咁企係門口食呀 ,熱辣辣我真係冇胃口囉......D人食雞pat pat,我真係唔明佢地諗哂呀........

沒有留言:

張貼留言