鶴藪水塘

7月初的一天驅車亳無目的地遊蕩

純粹的遊車河一直開到了近沙頭角

到了鶴藪水塘附近的關卡前再無去路

調頭在回程的途中見路旁有個香薰園的招牌

吸引我停車要去一窺究竟

所謂的門票原來只是付十元在手腕蓋一個小圓印

進入園內見到分佈均勻的有機耕田

分別種有西瓜  火龍果  草莓 石榴 柑橘

通菜  生菜 蕃薯 茄子 冬瓜 稻麥




以及薰衣草等各類不同季節收成的有機農作物



除了農田更有魚塘

一邊設有兒童遊樂場以及燒烤場地

碩大沉重的冬瓜幾乎將枝幹壓斷

為了避免蟲害

未成熟的柑橘都用小膠袋套起

這片快將成熟的稻麥

每一株的麥杆都被飽滿的麥粒壓得彎彎的

如果不用一大張網罩著

整塊的麥田不消一會功夫

便會被成群虎視眈眈的和花雀啃個清光

走過稻麥地  旁邊便是區分為一片片的瓜田

一顆顆的西瓜像腦袋般在泥地上探出頭來

黃綠錯綜  煞是可愛

當生長到成熟的階段便用個筲箕墊在瓜下

不致於過重的瓜身長時間受壓損傷

在云云眾瓜中我一眼便看中了最大的一隻

再三確定這是個西瓜而不是哈蜜瓜

毫無農耕經驗的城市人如我只吃過黃肉西瓜

黃皮西瓜倒還是第一次見啦

飽滿碩大的瓜形金黃的表皮盡收陽光的精華

場主嬸嬸給我一把剪刀叫我自己收割

她抱起不停說好重好熟啦已經

秤一下  有6磅多呀

真有一個BB的重量哦

以30元/磅計共百多元

園中按不同季節安排其他作物的收割活動

龜龜在跟魚兒捉迷藏

如此酷熱天氣在農田環抱之地燒烤

還未享用燒烤物已先成了蚊子的餉宴

只見上圖2位女郎被蚊子叮得跳腳

取出藥油拚命搽拭

同樣的我在瓜地停留片刻

雙腿也為蚊子供奉了好多餐

還有各種不同的興趣手作

在毫無預料下到此一遊  相片只用手機拍下

在離開果園時見幾位園工坐在路旁休息

他們見到捧著的西瓜問要不要3百多

得知才百多元時即說相當化算哦

更不停說這西瓜好爽甜咔咔聲的

回家切開時果然名不虛傳

一刀下去還未切斷已咔的一下裂成兩半

冰凍後入口除了少有的爽甜多汁之餘

還嚐到久遠的濃郁瓜味  真正的西瓜味

這跟平日在超市甚至果檔所買的實在是天壤之別

即便價錢略貴  但是對當地日漸減少的農田耕地

以及那群堅守吋土辛勤的有機果農們的一份支持

絕對值得

老猪. at 08/08/2012 11:32 am comment

这个被你在无意中闯入的原生态之地真让人有惊喜之感. 黄皮西瓜我也是第一次见到呢. 以前只知有一种叫平湖西瓜的. 是长圆型的. 瓜肉是黄色的. 外面也是绿皮. 那瓜也是沙瓤的.又香又甜. 现在超市卖的瓜. 虽甜却少了瓜果的鲜香味. 赞!

毛豆 at 08/08/2012 03:37 pm reply

簡直就是意外驚喜加收獲啦 黃肉西瓜從來都有, 這黃皮真是見過者不多呢..可能只有有機種才有吧...不止多汁夠甜, 更精彩是那種西瓜特有的瓜香...是超市買的基因改造瓜沒有的...

Kestrel at 08/03/2012 10:03 pm comment

乜今次個 trip 咁有機、咁健康、咁大自然呀？明符其實係遠離煩囂呀！ $3XX 一個西瓜咁犀利！？

Kestrel at 08/11/2012 10:24 pm reply

街市賣西瓜要成個買，唔肯切囉！

毛豆 at 08/06/2012 11:00 am reply

冇人要你買成個架嘛...大哥...有1/4買..你唔食得, 就算吧啦.

Kestrel at 08/06/2012 12:50 am reply

一來怕涼啦，最重要係我個雪櫃 "常滿"，根本無日空閒放西瓜，同埋買一促西瓜兩個人有排食！

毛豆 at 08/04/2012 09:23 pm reply

唔怪得你條友似中暑啦！西瓜咩事又唔食呀？超解暑架嘛！你怕寒涼呀，邊有咁既事呀，同冬瓜一樣之嘛！快去買黎食啦，依家超巿\果檔都好平咋！

Kestrel at 08/04/2012 08:52 pm reply

講起上嚟，我都好多年無食西瓜喇！

毛豆 at 08/03/2012 10:40 pm reply

真係誤打誤撞既偶遇去下咁既環境 ,人都開心好多架...好過淨係市區行千篇一律既商場有益得多, 又見多好多平時唔多見既植物... 300幾我當日就冇見了...唔知果位果農點解咁講..不過呢隻就真係相當好味..爽甜之餘係好有瓜味既...好值得..最主要係可以支持本地既有機農民 !

教師在中環 at 07/28/2012 01:18 am comment

so juicy~

毛豆 at 08/01/2012 06:02 pm reply

coz it's organic.

教師在中環 at 07/31/2012 05:25 pm reply

but not cheap ar

毛豆 at 07/28/2012 10:47 am reply

yes ar~~

無敵の部屋 at 07/25/2012 10:12 am comment

這日的收穫不錯, 有時候真的是無心插柳~~~

毛豆 at 07/25/2012 11:14 am reply

係呀..所以凡事無謂強求

Ping at 07/23/2012 05:47 pm comment

香港原來還有如此之世外桃源啊!

毛豆 at 07/23/2012 07:24 pm reply

是呀..想不到呢

Kestrel at 07/23/2012 02:03 am comment

原來早前又去遊山玩水，睇見妳有得玩又有得食，好開心呀！

毛豆 at 07/23/2012 10:34 am reply

遊乜鬼呀..一日都冇呀...本地之嘛

文妮 at 07/23/2012 01:14 am comment

wow... 唔知狗仔去唔去得呢?

毛豆 at 07/23/2012 10:33 am reply

得架..冇問題

茶茶 at 07/22/2012 10:15 am comment

What a nice trip

毛豆 at 07/22/2012 10:48 am reply

Oh..yup

Motonako.A at 07/22/2012 09:35 am comment

豆記就正喇..遊車河! 嘩...三百幾一個西瓜??????好貴啫!!!!!! 百幾都???????? 我呢边US$6.00 樓下巳經十幾廾磅一個喇! 仲要係冇核嘅呢!!!

毛豆 at 07/22/2012 11:33 am reply

哎..今日隻傻虎又神左啦..按回覆9世都傳唔到,之後又唔知點解出左2次...我到依家仲未上到相架..呢篇都係用第2部電腦先得咋.去左電郵問, 成日話跟進緊..真係0徙鬼氣

Motonako.A at 07/22/2012 11:25 am reply

唔浦頭又點知你去遊車河至得架!!!! 你真係悶到發芽呢....一連回應兩次咁多....

毛豆 at 07/22/2012 10:47 am reply

呀太, 終於浦頭啦 鬼咩..你又唔帶埋我去出遊, 咪唯有遊下車河囉..係屋企就黎發芽添啦 3百幾我都未見過呀..唔知果人點會咁講, 可能唔同品種啦..百幾都算貴啦..平時買大大個都係幾廿蚊之嘛...但好似有機瓜都係有核架喎....

嘉芙蓮 at 07/20/2012 05:34 am comment

睇你的相, 當日應該又曬又好熱下喎! 香港呢個石屎森林有這種玩樂地方真難得. 早幾年我同屋企人去過好似在錦田的一個地方, 都有士多啤梨摘, 不過好細粒! 黃皮西瓜我都係第一次見, 啲肉好紅, 仲見起晒沙喎! 雪凍食, 消暑一流!

毛豆 at 07/20/2012 10:04 am reply

果日係2號, 天氣同大遊行既一樣, 超勁熱又爆曬架... 係呀..香港新界區例如西貢, 元朗, 錦田等地方都仲有少數既有機耕田,可以俾人認一塊自己種野架..好多一家大細都有去, 到收成時,就可以食返自己種既瓜果菜蔬啦

奶油螃蟹 at 07/19/2012 09:06 pm comment

看不清楚女郎 請放大

毛豆 at 07/20/2012 12:00 am reply

小子,呢個主題係睇瓜又順便拈花惹草...唔好成日掛住昅女啦

tomdelay at 07/19/2012 09:05 am comment

這裡有點像外國的農場，係weigh and pay，不过个佢地d規模大好多，又容許你隨摘隨食，搏你好感買多d。

毛豆 at 07/19/2012 10:38 am reply

凡係呢類農場, 如果逢細粒如士多啤梨之類既果實收成, 都會俾人試食, 之後再決定買唔買...彼此都好和諧 , 盡顯人性而非冷冰冰既超市所及

Southerngal at 07/19/2012 08:05 am comment

Wow!!! so cool! I like this a lot! I didn't know they have something like this in HK! You are right, it might be more expensive than the one in grocery store, but definitely worth every penny of it!

毛豆 at 07/19/2012 11:17 pm reply

You know what , there are many food from China in American , so only the organic food is the most reliable

Southerngal at 07/19/2012 10:58 am reply

This reminds me... I need to write a blog about this! When I came back to HK in May, I thought I would be in "heaven" cos HK grocery store has so much selections, but I realize I didn't buy much at all, because I was so worried... first, don't want to buy the one from China, in case there's something wrong later on (mainly the food for Cole), then... addictive, preservative, msg, and many more... I was so happy when I came back to U.S. (big city, especially now I'm staying in Vermont for a month or two), with less choices but organic, I can buy "freely" (expensive, but worth it!)

毛豆 at 07/19/2012 10:35 am reply

香港如西貢等地, 都仲有少數既有機農田, 可以俾人去種植 ,收成, 感受下由種子到果實既經歷..市面 ,街市都有d鋪係專賣有機農場既貨品,係花墟等地, 都會不定期安排有機作物既market, 雖然價錢貴d,但長遠計,絕對值得既

舸兒 at 07/19/2012 12:38 am comment

香港能有這麼一片樂土真不簡單！希望它不會因為都市發展而被徵用啦！

毛豆 at 07/19/2012 12:46 am reply

是的, 現在凡是一塊平面地, 就難逃被發展之惡運....所有天然原始的耕種技術也隨之埋葬 ,真是好可惜

KM at 07/18/2012 10:55 pm comment

車能直達果園嗎？

毛豆 at 07/19/2012 12:01 am reply

你留意尾2張"香薰園"招牌下就係有一大塊空地既..車就可以停係度,冇咪錶,免費任泊...旁邊已係入口啦 ,超方便

只微 at 07/18/2012 08:01 pm comment

瓜田有趣！ 見到各色瓜果好開心呢！ 不知道有這種黃皮西瓜呢、 見它長形、 真以為是哈密瓜呀！ ~~~~~~~~~~ 無意中竟讓毛豆去了個好地方！

毛豆 at 07/20/2012 12:22 am reply

絕對係啦..一日做十幾廿粒鐘, 人都癲

只微 at 07/19/2012 01:50 pm reply

咁又係！ ~~~~~~~ 冇壓力、 人都 nice D ！

毛豆 at 07/19/2012 10:27 am reply

唔係喎 , 果嬸嬸好nice架...最後我影個磅既數字顯示, 因為係背光,影好幾次都唔清, 佢都笑笑口叫我慢慢影...我覺得成日係咁既環境下既人,遠離都市繁囂 , 又冇咁緊張, 脾氣都溫和好多呢

只微 at 07/19/2012 08:23 am reply

都話肯定喺西瓜呢！ ~~~~~~ 人地奇怪你怎麼問完又問呀！

毛豆 at 07/19/2012 12:03 am reply

係呀 , 唔止瓜田, 按唔同季節有唔同既當造蔬果收成... 真係冇咩人見過呀...我問左好幾次肯定佢唔係哈蜜瓜囉 真係毫無預料中既驚喜

土耳其他他 - TATA at 07/18/2012 02:28 pm comment

好地方呀， 係hk好少有! 我自己係屋企都有種下野， 所以好鍾意呢d地方， 種既種類又多， 仲有得整candle呀, 正呀! 黃皮西瓜都係第一次見， 睇落好好味~

毛豆 at 07/19/2012 12:05 am reply

真係唔錯呀...之前係西貢都有d類似既有機農田, 可以認定一塊地種野...得閒去打理下, 收成時都好有滿足感...不過呢度第1次去..我都好鐘意呢d最原始既耕地, 睇見唔同既成果, 好開心.. 隻西瓜真係嚐返好耐未有既西瓜味呀..正

Terance Tso at 07/18/2012 10:57 am comment

我未去過沙頭角, 都想搵日去下

毛豆 at 07/18/2012 11:06 am reply

我都未入過去架.聽人講幾廿年冇變過...呢日就黎到都冇去到..你最好等冇咁熱先去啦..

Peter at 07/17/2012 07:03 pm comment

增長知識的旅程, 大人小孩都啱去.

毛豆 at 07/17/2012 11:13 pm reply

係呀 ,去呢d郊外農田, 點都好過行千遍一律既商場... 如果帶小朋友去, 仲可以令佢地見識平時只係超市見到既蔬果...更加可以教佢地粒粒皆辛苦

Hoho at 07/17/2012 04:30 pm comment

真的是一個好地方. 在香港難得有這麼大的果園, 西瓜, 冬瓜, 隨地都是. 黃皮西瓜, 末見過, 好得意, 好大個, D 肉好紅呀. 又香又甜, 難得可以食到香港種的西瓜. 羡慕. 那天的天空好藍, 香港終於又藍天白雲啦, 多麼的好.

毛豆 at 07/17/2012 11:18 pm reply

嗯..嗯...依家香港有地就難逃起樓既命運, 所以好佩服呢班依然堅守最後一片農田既本地農民, 由播種 , 打理到收成, 付出左好多汗水,但同佢地傾談中, 都感受到佢地對自己所付出既辛苦有所收成而深感滿足...所以,真係好值得支持 ! 呢排如果唔落雨, 好多時都見到藍天白雲,仲好多次見到飛機飛過既一條白線..好難得

Jenny at 07/17/2012 01:51 pm comment

我好似泥過啦仲整左爉燭tim~~~

毛豆 at 07/17/2012 11:19 pm reply

咁叻呀..有時間多d去郊外睇下, 好過行商場

Anna at 07/17/2012 10:57 am comment

早呀 ! 小豆豆, 這種有機耕種, 在香港真是少見呢 ! 下次預咪我呀 ! 尤其有機西瓜, 在這麼炎熱夏天,來個冰凍的, 真係超爽啦 !

毛豆 at 07/17/2012 12:05 pm reply

Anna , 有機耕種相信台灣做得更出色呀..起碼地大田多, 仲好多保持住有機耕作既傳統 ,出產都豐富好多..應該你帶我去見識先0岩喎

Jasmaine at 07/17/2012 07:47 am comment

A wonderful day trip!

毛豆 at 07/17/2012 10:15 am reply

How about you

thelittlesweetpie at 07/17/2012 12:46 am comment

我之前都去過d自耕農埸做過一日農夫咁大把~ 而且有機食材真係要落好多心機同健康d, 減少好多污染!我都覺得佢地係好值得支持~

毛豆 at 07/17/2012 10:19 am reply

依家好多郊外都有d有機田俾人自己耕種, 平時有人打理,亦都可以自己得閒去自理, 收割....有得揀,幾時都係有機食材首選, 依家D野越搞越亂,都唔知食落係咩..所以對堅持有機耕種一定要支持

流魚 at 07/16/2012 10:33 pm comment

http://www.facebook.com/#!/happyfish123com Go Go Go

毛豆 at 07/17/2012 10:19 am reply

HO HO HO

Draw Your Soul at 07/16/2012 07:50 pm comment

西瓜田非常可愛！

毛豆 at 07/20/2012 11:03 am reply

我身處石屎森林 ,更加冇位啦.

Draw Your Soul at 07/20/2012 10:59 am reply

我冇田冇地，點種呀？ ~~你有冇留低D核做種子呀？

毛豆 at 07/20/2012 12:24 am reply

咁你點做村姑呀..自己種幾隻黎玩啦

Draw Your Soul at 07/19/2012 07:54 pm reply

未見過呀~~

毛豆 at 07/16/2012 10:04 pm reply

你應該見唔少啦

Jade at 07/16/2012 12:42 am comment

好似幾好玩咁喎，＄10又抵玩，不过等無咁熱去会好啲，呢排真係熱死人

毛豆 at 07/16/2012 09:41 am reply

10蚊係入口,入到去農田再俾多10蚊, 不過可以當買野扣返.

Time Is Changing at 07/16/2012 12:17 am comment

夏日炎炎,最好就是吃個西瓜!~

毛豆 at 07/16/2012 09:41 am reply

你直情唔止食西瓜咁歎啦

噢!地利 Oh!tria at 07/15/2012 10:59 pm comment

黃皮西瓜好紅,又有核,一定唔係基因改造.

毛豆 at 07/16/2012 09:42 am reply

講左係有機農場啦..何來基因改造呢

可可貓的活板門 at 07/15/2012 10:46 pm comment

又幾多嘢睇

毛豆 at 07/16/2012 09:42 am reply

仲要係唔同季節唔同出產

Kazoo at 07/15/2012 10:09 pm comment

$10都幾抵玩!!!

毛豆 at 07/16/2012 12:00 pm reply

入口10蚊,入農田再10蚊, 不過買野可以扣返.

BK at 07/15/2012 12:33 pm comment

遊車河逍遙自在⋯仲俾你遇到個沙漠綠"園"超爽 估唔到香港仲有稻麥(係禾稻定小麥?)不過小小一片非常珍貴⋯瓜果都唔小喎!黃皮西瓜外形真係似哈密瓜都係第一次見相反黃肉西瓜都有得賣! 紫色花朵好悅目

毛豆 at 07/16/2012 09:45 am reply

假期路面少車, 遊車河最爽...仲要係漫遊... 香港依家真係難得一見種稻麥啦.呢個應該係禾稻, 剝開見係米黎..西瓜真係超濃瓜味...紫花通街都好多架..

Jo 姐姐 at 07/15/2012 11:20 am comment

豆豆終於可以update啦 黃皮西瓜真係未見過 睇相都覺美味非常 令我垂涎三尺呢 果然不負妳老遠帶回家呀

毛豆 at 07/16/2012 09:47 am reply

Jo姐姐,我係用另一部電腦入到咋.自己部都係唔得..唔知咩事 係呀..所以我問左好多次肯定係西瓜先剪佢落黎呀...從來都未見過囉..不過超正呀..絕對值得架

Ugly Witch at 07/15/2012 05:46 am comment

個黃皮西瓜齋睇外表都覺得好靚, 有機農作物真係好食好多, 而且營養成份豐富; 如果經濟能力許可, 真係要多多支持. 我都好想有機會食有機黃皮西瓜呢

毛豆 at 07/16/2012 09:48 am reply

唔講真係唔知係西瓜..同哈蜜瓜完全一樣呢 平時有得揀我都係以有機為首選..食落安心好多..同埋見d果/菜農係有限既條件下堅持有機耕種, 真係要支持下先得

Lilo at 07/15/2012 01:35 am comment

今次夜訪終於有收獲農作物甚多的澳州....也不覺有這種瓜哩! 嘻嘻....毛豆不單支持果農....更是護生....餵蚊子

毛豆 at 07/16/2012 09:50 am reply

你唔使瞓架 ,成日半夜三天周圍巡 就咁擺係度都唔知佢係隻西瓜囉...真係超濃果味架..好耐冇食到咁既純正瓜味..正哂 我超級惹蚊架...最後都俾我拍死左..報此一仇..哼