2012年8月16日星期四

水深火熱上海遊







前幾天去了一轉上海

如此高溫酷暑天實在是跟自己過不去

站著不動也不停出汗的狀況下

想悠遊地漫步法租界可以說是奢望

所以停留的數天哪裡都不想去

總是窩在友人家中消磨時光

到埗的頭天已是黃昏過後

自己打去小南國訂位解決當日的晚餐

馬蘭頭百頁卷


烤子魚


百頁木耳小唐菜


醬蘿蔔條


麻醬牛肉


糯米蓮藕
這款用了士多啤梨醬代替傳統的糖漿
甜中帶微酸的果香頗有新意



小南國之招牌清炒河蝦仁
不過如此



在大堂陳列的月餅
我對懷舊的餅盒設計更有興趣


另一天在街上遊蕩




盛夏天最好便是走在如此林陰道避免烈日的煎熬

最喜歡馬路兩邊的梧桐樹繁茂的枝葉自然靠攏

形成一個天然的棚架為行人遮蔽烈陽



盡顯自我格調的小店

比千遍一律的大商場有個性得多

而且不時會有意想不到的驚喜


即場製作的鮮肉月餅  只有在江浙滬一帶才可嚐鮮




烘烤得熱辣金黃酥香 內裡的肉餡多汁鮮美

哪管是大汗淋漓  也要咬上幾個才過癮






店中還有多不勝數的各類糕點

甜的鹹的各具特色

更有幾款是每次必買的

詢問店員你們店有近百年了吧

答說有80多年了  難得哦

吃的已不僅僅是食品本身的味道

更是歷史的見證


臨走的前一晚請友人一起晚餐

來到才知餐廳經理自動給了包房我們

難得啦平時想要都總是沒有的



碎花牆紙配上30年代的廣告女郎畫

永遠難以抗拒的萬種風情





餐桌上別緻的竹製茶牌

細看之下更是繁體字



同樣是醬蘿蔔

這家味道精緻美味得多更富有層次感




烤麩  總是百吃不厭




少見的沙甸魚  不錯吃




雞鵝雙拼




素鮑片  其實是杏鮑菇




難得此時還會有的蠶豆




曾幾何時街邊草根階層的臭豆腐

如今也登堂入室自然也身價百倍

但卻風味大減




黑椒牛仔粒   香濃惹味




沒有標榜招牌菜

卻火候到家肉質鮮美




淮海路地鐵站內的季風書園也是每次必到



買了這本舌尖上的上海

作者經過3年多的實地了解寫成

書中介紹的數十樣上海經典美食

我全部吃過   呵呵   原來我也算是吃貨一名啦

這次還跟當地友人學會了坐巴士

原來用類似八達通的交通卡

所有巴士才2元搭全程  跟本港的叮叮相同

而且需要轉車再上另一架只要付1元便可
(只限交通卡  如入硬幣便仍需付2元)


非繁忙時段車廂絕不擁擠

一路欣賞沿途風光或經過有興趣的街道可即時下車

對時間多得是的人如我  倒是不錯的選擇

除了以上的餐食其他都在友人家中用餐

席間出現的年糕炒蟹  名叫六月黃

了解後便知原來就是香港的黃油蟹

當地根本不當一回事啦只是小菜一碟

洗淨切半用甜豉醬炒年糕

鮮甜的蟹肉以及流滿整碟的蟹糕油

再配上香糯煙韌的年糕  好味得眉毛都掉了

還有一樣是既像火腿又像鹹肉的東東

原來那正是金華火腿的半成品

也就是說它沒像火腿那麼醃製的時間長

自然肉質依然保持了軟嫩卻已有了鹹香

用來煲雞湯  冬瓜湯或蒸魚時放上數片

既有火腿的香味又可連肉都吃掉

友人送了我一大塊  為了給我那嘴刁的食客可以隨時享用

這肉是有季節性的非整年都有得買

它有個頗詩意的名字     南風肉




老猪. at 12/17/2012 01:30 pm comment
你的上海专辑已看全了. 此篇是旧地重游. 先道声谢! 改日再选题续看了.
毛豆 at 12/17/2012 01:32 pm reply
也感謝你來看...辛苦了
Jade at 10/17/2012 10:52 am comment
好鐘意上海呢種懷舊風味 ~ 野食賣相都好吸引, 有無刷埋大閘蟹
毛豆 at 10/17/2012 11:02 am reply
做乜事仲炒緊冷飯呀.. 我唔會係出邊食大閘蟹, 驚洗得唔乾淨.
Veritas at 08/29/2012 11:36 pm comment
鮮肉月餅好似一個個生煎包...
毛豆 at 08/29/2012 11:40 pm reply
都似似地架..佢係酥皮生煎就係麵皮... 香港新/老三陽都有得賣架 , 得閒去試下, 幾好食既
只微 at 08/29/2012 11:03 pm comment
去年七月也走了一趟上海、 熱得難受! ~~~~~~~~~ 有時名氣店反不及沒什標榜的館子好吃呢! ~~~~~~~~ 南風肉這名字真不俗!
毛豆 at 08/29/2012 11:39 pm reply
10前真係咪去上海, 真係熱爆好多所謂名氣就真係食個名囉...都係地道小店先用心製作... 南風肉冇火腿醃既時間長, 所以肉質仲嫩, 可以食埋...
阿威哥 Hugh at 08/25/2012 02:54 pm comment
小南國的菜色好精緻呀!
毛豆 at 08/25/2012 09:24 pm reply
係呀..精緻又好味...上海菜我都鐘意食...尤其冷盤小菜... 我反而好少出去食蟹, 鐘意買返黎洗得夠徹底 , 食得安心d
土耳其他他 - TATA at 08/24/2012 08:42 pm comment
中國菜向來都特別精緻, 齋是賣相已足以叫人甘心比$欣賞, 味道更不在話下...我好想食個6月黃呀, 一定好正!
毛豆 at 08/24/2012 11:13 pm reply
係呀 ,中餐由刀功,火候, 烹飪種類 , 賣相等等, 每一道都好講究, 係西餐冇得比既... 哈哈..原來你咁鐘意六月黃架..下次返黎食啦
雞腳七 at 08/24/2012 08:38 pm comment
很久很久沒有吃過蠶豆了, 總覺得這是窮人食物, 因為小時候經常買來吃當零食, 而小時候我能夠買來吃的, 都是超便宜的窮人食物。
毛豆 at 08/24/2012 11:15 pm reply
反而以前蠶豆係好短既季節性先食到,依家要食都唔難...仲越來越貴添... 好多所謂既市井窮人食物, 先係最好食 , 又可以真正食到食物原本既風味....
美蒨-Cindy Ho at 08/24/2012 03:01 pm comment
毛豆友 好耐无见啦! 你的生活还是那么的精彩 全部的食物卖像都非常好看
毛豆 at 08/24/2012 06:43 pm reply
Hi Cindy,真係好耐冇見啦,好嗎? 我都係簡單生活啦.
Kestrel at 08/22/2012 10:55 pm comment
妳都好識享受喎,兩餐望落都知係高檔菜! 鮮肉月餅仲以為係北京餡餅呢! 《舌尖上的上海》有無《舌尖上的中國》咁熱捧呀?
毛豆 at 08/26/2012 12:13 am reply
講左N咁多年啦..用個暖箱裝住,都係熱辣辣架..
Kestrel at 08/26/2012 12:10 am reply
老三陽都有鮮肉月餅賣?走去𥄫𥄫先!
毛豆 at 08/22/2012 11:40 pm reply
食野我幾時都係味道行先...咩檔次只係虛火野...我唔多在意啦...次次去都係鐘意食返d冷盤小食, 係我至愛... 鮮肉月新老陽都有, 不過你係咪唔食架... 2樣野黎啦..呢本全部都以上海既傳統地道食物為題...
殷師奶 HeBi Yuen at 08/22/2012 12:57 pm comment
依家d餸菜賣相靚左好多呀~識得排下位!! 木牌餐牌仲要係繁體~~~夠晒細心
毛豆 at 08/22/2012 09:17 pm reply
好多年前已係咁了喎....上海有要求既中餐廳, 由刀功 ,火候至上碟不嬲都好講究, 呢d只係冷盤小菜,如果係主菜熱炒, 更加可以擺到成幅畫咁精緻.
청마루 at 08/22/2012 10:58 am comment
甘味로운飮食 잘보고 갑니다
청마루 at 08/22/2012 10:56 am comment
안녕하세요 좋은시간보내세요
毛豆 at 08/22/2012 11:24 am reply
金莎哈蜜瓜
Prime at 08/22/2012 01:56 am comment
小南國都唔錯
毛豆 at 08/22/2012 10:20 am reply
嗯...環境都相當唔錯架.每張台隔開好多空間,坐得好C服
◦º⌣º◦(̾●̮̮̃̾•̃̾)♡(•̪●̮̮̃)◦'⌣'◦ at 08/21/2012 08:20 pm comment

毛豆 at 08/21/2012 10:05 pm reply
面包face at 08/21/2012 06:00 pm comment
miss shanghai so much!!!
毛豆 at 08/22/2012 12:01 pm reply
總有機會既...咁近
面包face at 08/22/2012 11:50 am reply
有此意, 但機會不大
毛豆 at 08/21/2012 10:07 pm reply
包包,等秋涼又飛上去擦大閘蟹啦
茶茶 at 08/19/2012 03:17 am comment
Make sure drink more water!! Nice trip, I want to eat those food!
茶茶 at 08/23/2012 06:08 am reply
Poor you!!
毛豆 at 08/19/2012 12:21 pm reply
狂飲水都唔夠蒸發得快囉... 野食唔錯, 不過真係超熱
Ping at 08/18/2012 03:41 pm comment
上海菜我很喜歡啊!
毛豆 at 08/19/2012 12:38 am reply
ping , 口味一樣哦
Motonako.A at 08/18/2012 11:08 am comment
要試鮮肉月餅同臭豆腐哦.....
毛豆 at 08/20/2012 09:37 am reply
太子, 旺角咪有囉...點知你食過係咩風味.
BK at 08/20/2012 08:45 am reply
衣家香港臭豆腐邊樹正D?好似食唔返D風味
毛豆 at 08/18/2012 12:09 pm reply
呀太, 鮮肉月餅香港新/老三陽都有架..下次返黎咬返幾件啦.. 臭豆腐都係香港街邊正呀..夠和味...
Jasmaine at 08/18/2012 09:34 am comment
I am very interested in the bakery store shown above, rather than the nice restaurant! If I knew you were there, I would have waited for you to take me around!
毛豆 at 08/18/2012 12:10 pm reply
果間野係淮海路近思南路, 叫"哈爾濱食品廠", 隔離仲有間"長春"都係全部食品,有好多野都好好食. 我去果幾日你都返左去了呀
Ugly Witch at 08/18/2012 02:57 am comment
小南國嘅上海菜好精緻,我最鍾意食烤麩&蠶豆 ,以前細個又好鍾意食臭豆腐點豆辦醬
毛豆 at 08/18/2012 12:11 pm reply
小南國係上海都算唔錯既, 每張台之間好大空間,唔會迫埋一齊...香港既就好細好多了....呢d冷盤我相信一世都食唔厭囉
Ta at 08/17/2012 11:52 pm comment
全部都是好菜式, 你厲害呀!!!
毛豆 at 08/20/2012 10:52 pm reply
哎...呢d只係便飯咋...都係d本地小菜一碟..周圍都有得食架
Ta at 08/20/2012 06:37 pm reply
緊係厲害啦, 你咁識食, 食左咁多好野!!!
毛豆 at 08/18/2012 12:06 am reply
你又鐘意呀... 有咩厲害呀..又唔係我煮既
thelittlesweetpie at 08/17/2012 07:26 pm comment
你真識食, 你真識食~~~ 去上海玩, 爽啦! 我好鐘意食上海菜ga!
毛豆 at 08/17/2012 07:47 pm reply
幾餐便飯啫 鐘意食自己煮嘛,咪想食乜隨時有囉
艾菲妹 at 08/17/2012 01:14 pm comment
毛豆, 你又去上海玩呀?雖然我唔like上海妹, 但都想遲些可以去逛逛...見識見識
毛豆 at 08/17/2012 02:42 pm reply
艾菲, 好耐唔見呢.. 原本上個月飛, 不過改左幾次先飛成,都係匆匆幾日... 哎..果一個上海妹就令你記咁耐,無謂啦...佢只係個別例子, 又唔代表任何人,任何地方都有好有唔好既人同事......客觀面對吧啦...如果你咁一概而論,就真係邊度都唔使去架啦...
老猪. at 08/17/2012 01:13 pm comment
我不在内地.因用的是简拼的中文软件. 打繁体字较麻烦. 后来听网友说香港人现在都识简体字. 我就偷懒了. 简.繁体字用个不恰当的比方.就好像快餐和正餐一样. 好在有香港.台湾. 包括海外的华人坚守着繁体字的应用. 最值得中国人引以为傲的中国文字才得以保留下来. 你们的胃口已够好的了. 俗语说;少吃多滋味. 你们又是精通上海菜的食客. 点的都是吊人胃口的菜. 顺便说一句. 六年前爬泰山. 下山后在一家叫好像叫梁记粥店的. 我们两人才点了几个菜. 服务员就直说你们吃不了的. 一味地劝阻. 端上来才知那个锅烧土鸡.是用一个像小脸盆那么大的大瓦锅. 中间是爆炒的整只土鸡. 边上贴了满满一圈玉米饼子. 还有一个各式菌的炒菜. 也是满满一大盘. 牛肉夹饼更是超大号. 一尺来长的两大卷. 再加上葱油饼. 等. 记得点了两样不同味的粥. 上来才知是用陶罐装的. 一罐够三.四人吃. 这一顿真让我们领教了山东好汉的爽快和实在.上海人就精明得多了. 做功精緻. 食量又掌握得恰当. 荤素.冷热.甜咸搭配好. 想吃. 下次再来.
毛豆 at 08/17/2012 02:38 pm reply
哦..無所謂啦..好多東南亞如新加坡也同樣用簡體....都是一樣看啦... 上海跟北方的生活模式都好多不同,上海精細好多, 去到北方真是樣樣都大大份,吃3天都吃不完的份量....對我們還是少食多滋味,又可試多幾款式了...
菲仔 at 08/17/2012 11:52 am comment
食物好精緻呀馬蘭頭百頁卷好似蛋卷呀[img](laughing)[/img ]
毛豆 at 08/17/2012 12:39 pm reply
係呀...最鐘意呢類冷盤, 細細碟可以試多幾款..百頁卷香港好多上海菜都有得食.
常歡笑 at 08/17/2012 02:28 am comment
俾你講到我流晒口水添!
毛豆 at 08/17/2012 10:24 am reply
要引你真係好易囉
Lilo at 08/17/2012 01:46 am comment
夜遊過來喜見“水深火熱” 遊, 毛豆可真是高效率 記得多年前首次踏足中國的地方就是上海, 第一頓晚餐就在小南國, 但只記得吃過清炒河蝦仁, 其他菜式已不復記
毛豆 at 08/19/2012 11:11 am reply
唔使下下都諗Syd啦...呢d野香港唔難食到啦.
Lilo at 08/19/2012 02:27 am reply
想起Syd唐人街一間小店的烤麩很好吃.....一小碟一小碟的, 常外賣回家吃
毛豆 at 08/17/2012 10:26 am reply
河蝦仁必食,香港地好少買到...有貨都俾餐廳訂哂...百頁卷本港好多上海菜館都有得食...
舸兒 at 08/17/2012 01:39 am comment
大半夜來訪,卻看見這麼多美食,想上海了!
毛豆 at 08/17/2012 10:26 am reply
哈哈..等秋涼才去吧.現在實在受難.
Draw Your Soul at 08/16/2012 09:59 pm comment
風情萬種嘅靚女,令人想起「雙妹嘜」。早幾日經過有呢樣野賣,都想買返支「花露水」~~
毛豆 at 08/17/2012 12:15 am reply
驅蚊/蟲,係應該用香茅...
Draw Your Soul at 08/17/2012 12:10 am reply
唔係當香水噴,係用黎防蚊咬。有驅蚊作用。如果有防虫功用,我即買!
毛豆 at 08/16/2012 11:58 pm reply
你唔係用咁古老既野呀...買枝香水啦
嘉芙蓮 at 08/16/2012 09:47 pm comment
原來去咗上海! 小南國的食物好精緻喎. 呢間係咪同香港食通天嗰間同一間? 我食過幾次, 很好味, 不過上海菜真係好多油!
毛豆 at 08/17/2012 10:27 am reply
尋晚果風真係完全唔覺囉...朝早6點幾改3號..真係混吉...又係爆熱既一天
嘉芙蓮 at 08/17/2012 04:02 am reply
哈! 你一返來又打風喇!
毛豆 at 08/16/2012 11:59 pm reply
係呀..之前香港打風, 之後又到上海打..張機票改左3,4次先飛得成...去到又熱爆...真係好似去食幾餐飯咁... 係呀.香港都係同一集團...依家上海菜都清淡好多啦...冇咁多濃油赤醬啦.
Ajoe at 08/16/2012 08:21 pm comment
毛毛妳就好啦,鍾意又可以返下去,食餐飯,真係捨意,D蝦人炒得好靚,見到都想食啦
毛豆 at 08/17/2012 12:01 am reply
我原本上個月飛架..改左幾次先飛到..太熱都冇心機行啦... D河蝦仁真係好鮮, 唔錯呀
tomdelay at 08/16/2012 06:44 pm comment
以為有景睇,原來都係食物,仲好多添。
毛豆 at 08/17/2012 12:01 am reply
咁熱仲去影景 ,果個都唔會係我啦...上海有咩景好影0者...
噢!地利 Oh!tria at 08/16/2012 05:56 pm comment
又話去有靚女地方,一個都唔見嘅
毛豆 at 08/16/2012 06:29 pm reply
費事害你好慘啦 你望後面
噢!地利 Oh!tria at 08/16/2012 05:58 pm reply
你唔好即刻post你個樣出黎呀!
Gael at 08/16/2012 05:16 pm comment
咁多好野食,熱D都抵啦
毛豆 at 08/16/2012 06:43 pm reply
老人家零舍保命既
Gael at 08/16/2012 06:28 pm reply
加速新陳代謝,有益健康架
毛豆 at 08/16/2012 06:26 pm reply
食咗都補唔返啦,仲話抵
Terance Tso at 08/16/2012 04:57 pm comment
馬蘭頭百頁卷呀... 好想食
毛豆 at 08/16/2012 05:10 pm reply
咁你又飛上去一轉囉..
Terance Tso at 08/16/2012 05:03 pm reply
邊及你直情去上海食咁好食
毛豆 at 08/16/2012 05:01 pm reply
咁你又要去霞飛路走一轉啦
Jenny at 08/16/2012 03:51 pm comment
吾去國外,去國內行下都好ge
毛豆 at 08/16/2012 04:19 pm reply
真係好過冇啦..不過熱到暈
老猪. at 08/16/2012 02:31 pm comment
看来上海人总是赶在潮流之先。 这些菜是中菜西做。 道地的上海本帮菜。却用了西化的装盆手法。 看上去更精緻了。 量虽少了些。 但对两位或三位的客人来说。能品尝多种款式。 反倒是不错的选择。 鲜肉月饼。 太诱人了!还有烤子鱼。。。。。。把我的胃口都吊起来了。 致于臭豆腐。 我还是怀念儿时吃到的那种用一根稻草串着。 走街串巷现炸现卖的那个味道。 草根的东西进入了大雅之堂。再配上了那精美的碟儿和垫纸。 总觉得少了点原味。 大概这个臭豆腐已不是很“臭”了。 不然一盆上来味满店堂。 难怪你也道它风味大减了。
毛豆 at 08/16/2012 04:27 pm reply
上海由2,30年代起就是海派的始祖, 所以在這方面完全是就輕駕熟了的... 我們本來都不是大胃之人,加上天熱 , 這類的本幫冷盤就最對胃口了..其實也不算少的了 , 相比香港餐廳那些如同試味, 少得可憐的份量, 3,5人都足夠分享的 , 而且每次都叫了好多碟 , 一輪冷盤下來, 都已夠飽了...鮮肉月餅真是超讚的, 尤其站在一邊看著剛出爐 ,新鮮熱辣, 外酥內多汁..想起來還想吃...香港的新/老三陽也有啦....臭豆腐真的風味大減, 還是香港掃街檔的最對味....台灣的也不喜歡.... 老豬現身處內地嗎 ?看你每次留言都是簡體字...好在內地還可上Y.blog , 不像用fb般要翻牆
Anna at 08/16/2012 01:00 pm comment
霸個位先, 飲完茶返來再慢慢欣賞.....
毛豆 at 08/17/2012 12:34 pm reply
呢d菜式幾時都有得食啦..依家去點都搵苦黎辛...10月就最爽了... 黃油蟹係新/老三陽都有喎 , 一樣叫六月黃..去買d黎咬囉...
Anna at 08/16/2012 06:49 pm reply
我就叻呢 , 飲飽食醉再來過, 唔係點忍得住咁多美食呀 ! 小豆豆,妳真係害人不淺呀 ! 睇妳介紹黃油蟹炒年糕, 我的口水已經....
毛豆 at 08/16/2012 04:28 pm reply
使乜留位0者..呢度24小時開門架喎
Jo 姐姐 at 08/16/2012 01:00 pm comment
豆豆 全部我都愛呢 尤其年糕炒蟹 只想像妳形容嘅 就已經邊睇 邊狂吞口水喇 人家今晚淨係飲咗兩碗湯 連飯都無食呀 引C人咩
毛豆 at 08/16/2012 04:30 pm reply
Jo姐姐, 果d炒年糕真係超正呀..d 蟹黃多到呢..連年糕都嗦哂味道 , 我fd連煮2次俾我食返夠本呀 出街食我始終都係鐘意一碟碟既冷盤, 可以叫好多碟咩都試下...食極都唔厭呢..係飲湯咋..咁睇完要去狂吞幾碗飯先夠飽啦
BK at 08/16/2012 12:10 pm comment
嘩嘩嘩⋯碟碟都咁精緻細膩!
毛豆 at 08/16/2012 12:19 pm reply
依家大熱天時, 冇咩胃口食大堆頭野..都係鐘意冷盤.
Hoho at 08/16/2012 11:37 am comment
嘩, 睇完您這篇blog, 好想即飛上海, 食食食. 味味都好精彩呀. 謝謝分享.
毛豆 at 08/16/2012 11:45 am reply
哈哈..引到你肚餓呢

沒有留言:

發佈留言