2012/11/19

烏蛟騰---九擔租--三椏村---荔枝窩---分水凹---烏蛟騰








單看標題  你都大概知這次行得好甘

由烏蛟騰起步進入九擔租




竟然用殘體字











由此開始上泥石級





回望九曲十三彎的山路




同行者又趁我影相期間行到老遠







狹窄的山路盡量靠左手邊行

右手邊就是無遮無攔的深淵





整遍山頭鬼影都不見一隻







深山處竟然發現石磨

難道是石器時代留到當今

不期然想起芝麻湯丸


饑腸轆轆





終於望到有人煙處
以為好快可以行到山腳村落中

卻原來行極都未到的遙不可及




沿途行到悶打蝶是唯一消遣


呵呵    超級大蟻竇


到了   到了



除了鐵皮屋並無一個人影

卻由屋中傳出收音機聲






圍繞屋前的紅樹林


像是有人住的


卻荒廢成如此不堪



來到這間望入終於見到生勾勾大活人一個



沿屋旁離開




何去何從




哈哈    終於見到紅蜻蜓



本來想影隻大蝴蝶

竟然無意中見到高處樹枝中倒吊一隻spider man




型到呢   足足大個手板


每一隻漂亮的蝴蝶   都患有過度活躍   好難停下


不知名


長在低處伸手可及處的果實早被人順手牵羊摘清光

這些都是在高處樹頂的    望果止渴




進入另一地點荔枝窩



好像時光隧道


進入繁茂的樹叢中間還有一條河流




打橫生過河對岸的古樹   霸地盤


河邊泥土中的蟹仔


你躲去哪裡都逃不過我的雙眼



左右門神


逍遙潛水


走出陰暗的樹林來到海邊


對岸遙遠處便是近深圳的沙頭角



水中巨石腳下都依附著大量的貝殼


石梯上去有個觀景台






同樣的大片紅樹林





好神奇的樹根都長出地面





出名的白花魚籐  自然交錯扭曲成各種姿態

P1200689





走過前以為是誰的惡作劇

跨過回頭才知有防衛作用




寧靜的小村如今像是人去村空


唯一的小學也關門大吉





看上圖中間的樹洞嗎  

偏偏我就是眼大睇過籠錯過了

不過我也沒甚麼秘密講給樹聽




地標的大榕樹   真有幾層樓那麼高大


院內掛著所有捐贈人士的相片介紹


門楣上精緻的雕塑



另一棵大榕樹




離開小村再繼續行程
真不知要行到猴年馬月才行完
我覺得自己好似著緊草



葉子的邊緣好像縫了月芽邊一樣


這屋子還能住人嗎



村屋之間的小巷


有怎麼個特別法



原來此地有好多百年古樹以及特別的植物


樹上有樹   玩緊纏綿遊戲





跟之前的泥石崎嶇山路比

走在如此平整又帶彈性的木板地

就像將堅硬的木板床換成席夢思一樣



樟樹都有五指    想扮如來神佛嗎



彈性木板還沒令雙腳享受夠

又要返回更大的巨石堆中




沿十字形的石板地走上分水凹


好特別的樹葉由一條籐蔓吊成一串


我的腳呀   簡直苦不堪言



雪白的菇菇


走了又走


爬高再爬高





有人每到一次就記一次


終於完成了一整個山頭的大大圈


還原基本步的開步點烏蛟騰    為時4+小時

這次因換了行山鞋   過硬的鞋底

使我半途右腳底感不適

走完全程後第二天整個右腳底抽筋

腳板底抽筋還是第一次


雖痛但還是整天在外跑

不知死活的傢伙



粉嶺鹿頸士多茶餐廳對面的河面

正上演天鵝湖


在路邊望到有整座山一樣高大的觀音像

似是尚未完工   兜了好大個圈想前往看個究竟

到一路口有警衛看閘原來有整間廟宇興建中

卻一問三不知何時開幕都無頭緒



整條大馬路遠遠都可見到的    超震撼





只微 at 12/09/2012 11:11 pm comment
你這次去的、 我與朋友們分了兩次行呀! ~~~~~~~~ 果隻蝴蝶扮樹葉扮得好似! 仲喺塊淺啡色嘅枯葉添! ~~~~~~~~ 嘩! 座觀音好大呀!

只微 at 12/11/2012 07:30 am reply
都怕人多一起出去! 太擾攘!

毛豆 at 12/11/2012 12:01 am reply
最怕一大堆人出行...3人已係我極限.

只微 at 12/10/2012 11:21 pm reply
哈哈! 有時人多仲亂!

毛豆 at 12/10/2012 06:12 pm reply
所以人多未必好辦事

只微 at 12/10/2012 05:56 pm reply
跟大隊行咋! 唔識就唔敢比意見呀!

毛豆 at 12/10/2012 05:51 pm reply
果張相既位置就係我地既起點同終點,亦都係泊車位,咁你地應該中途返轉頭了,咁不如向前行仲睇多d嘢.

只微 at 12/10/2012 05:21 pm reply
不太識路! 只是跟大隊行、 你中途有些地方好似沒行過呀! 只記得在你最末第 4 幅那裡等車來接!

毛豆 at 12/10/2012 12:47 pm reply
佢地只係想日日幫佢賺到盡. 我好奇怪你地點分2次行行到中段再行返轉頭呀?

只微 at 12/10/2012 08:46 am reply
起得咁高、咁大座! "欲"窮千里目!

毛豆 at 12/10/2012 12:13 am reply
我地係圍住整個山頭行左個圈呀....所以要4粒幾鐘.... 呢隻都仲未係真正既枯葉蝶...如果真既, 更加似,但極罕見既..佢可以停係度幾個鐘唔郁..呃到人架.. 起呢座野既人..仲有無限欲望....
thelittlesweetpie at 12/09/2012 11:54 am comment
咁遠睇都咁大尊, 真係好震撼!

毛豆 at 12/09/2012 01:08 pm reply
係呀..錢多得滯.
Gael at 12/08/2012 12:11 pm comment
同行者本來梗係想賴低你在荒山野嶺 在荔枝窩有無車走,係咪一定要行返去烏蛟騰? 上次我去時太遲出發,行到三椏涌已經天黑要折返,睇唔到白花魚藤

毛豆 at 12/08/2012 11:55 pm reply
佢驚我活埋佢多d囉.. 荔枝窩可以行出去,不過唔知你搭咩車...如果我地返烏蛟騰攞車, 就要call taxi, 小巴都唔入既. 咁呢度影左你睇囉..睇唔到白花魚藤又唔係咩損失...一係自己再去行多次啦.
Mona at 12/02/2012 05:51 pm comment
這真是個需要行走的旅程呢 不過靜下心來,肯定會感受頗多

毛豆 at 12/02/2012 09:16 pm reply
只是數小時的遠足, 算不上旅程吧.. 可以身處大自然 , 總比置身石屎森林來得心曠神怡
Time Is Changing at 12/02/2012 04:59 pm comment
咁耐冇新野睇既?

毛豆 at 12/02/2012 09:13 pm reply
有啦...催命鬼
土耳其他他 - TATA at 11/29/2012 04:24 pm comment
呢次真係幾甘wor, 不過慢慢行, 沿途享受每一景一物好正呀! 行行下見到有生勾勾既人, 係唔係好興奮呢 =p

毛豆 at 11/30/2012 07:54 am reply
都幾架...不過真係幾多野睇下,又陰陰地天, 唔會曬... 咁又唔會興奮喎 ,預左一定有人, 收音機開得好大聲架.
Ta at 11/29/2012 09:37 am comment
忘了問候你, 腳底依家冇事嗎? 抽筋一日都幾嚴重呀! 有沒有去做腳底按摩舒服下咁呢? 嘻嘻。。。

毛豆 at 11/29/2012 11:41 am reply
多謝有心呀...已經好返哂了..不過抽筋真係唔好受, 我冇去睇任何治療 , 等佢自己愎元, 腳底按摩更加怕怕, 從來都唔會做
Ta at 11/29/2012 09:29 am comment
Wow你好勁抽!!! 你去了世外桃源呀,地方又寧靜又空氣清新, 好爽呀! 香港真係好特別 - 繁華高樓大夏同小島, 翠綠郊外壯闊岩石, 全部都在細小的香港之內。:-)

毛豆 at 11/29/2012 11:39 am reply
香港既好多行山徑都設計得好好架....有好多郊外地方都得到良好既保護 ,只希望將來唔會"被發展"啦...間中去行下山,吸下新鮮空氣,仲可以見到好多平日係市區難見既花草, 昆蟲 , 真係有益心身.
Lin at 11/28/2012 10:18 pm comment
這段路都雖然長,但風景怡人

毛豆 at 11/28/2012 11:55 pm reply
行勻整個山頭....多數景唔錯既.
茶茶 at 11/28/2012 12:00 pm comment
Wow................ nice trip!

毛豆 at 11/28/2012 09:26 pm reply
Yup
Ping at 11/27/2012 01:16 pm comment
香港原來還有不少的世外桃源呢!最近毛豆很愛行山呢!

毛豆 at 11/27/2012 01:26 pm reply
是呀, ping , 香港好多行山徑都打理得好好, 樹木等都得到良好的保護 , 真的不錯的..行山總好過行千遍一律的商場吧.
Jo 姐姐 at 11/27/2012 03:04 am comment
多謝豆豆 剛收到妳份禮物, 好靚 好靚靚呀, 愛C妳呢

毛豆 at 11/27/2012 11:24 am reply
我好驚喎

Jo 姐姐 at 11/27/2012 11:13 am reply
係呀 愛妳 我愛妳 我好愛妳 我愛C妳呀

毛豆 at 11/27/2012 10:45 am reply
興奮得你呀..家下係咪同我公開示愛呀
janejane at 11/27/2012 12:59 am comment
你呢期興行山喎!有冇觀音兵侍候你呀?

毛豆 at 11/27/2012 10:46 am reply
我幾時都行開山架啦...行山要人侍候 ,非你莫屬啦.
翔流 at 11/27/2012 12:26 am comment
Dear 毛豆,您影D相真係 ? 影都冇隻,您只係一個人行呀?危險D喎....。不過好多謝您的分享...

毛豆 at 11/27/2012 10:47 am reply
哈哈...係咪嚇親你呀
阿威哥 Hugh at 11/26/2012 06:33 pm comment
荔枝窩的古樹很美呀! 你行得完呢段路, 體能非常唔錯喎!

毛豆 at 11/26/2012 10:56 pm reply
係呀..果度好多樹有介紹 , 行一圈好似上緊地理堂咁..好有趣... 呢段路唔算難行啦, 相比之前同樣4個幾鐘由東涌行去大澳 , 冇咁崎嶇囉.
殷師奶 HeBi Yuen at 11/25/2012 12:25 am comment
真係行得好"金"呀~~沿路都好多野睇呀!!精神精彩~~~辛苦晒!! 個大大大大觀音像好似係李+X比錢起架

毛豆 at 11/25/2012 09:37 am reply
金呢....不過整體黎講唔算難行架...又幾多野睇下咁, 幾有趣架...你都搵日同大爺去行下啦 , 好過節食嘛 富貴如浮雲咯, 仲使乜有所求呀 !
Draw Your Soul at 11/24/2012 08:08 pm comment
估妳食完就去行山~~ 真係喎~~ 「想起芝麻糊」又幾好笑~~ 想問下露出樹根之地係邊度?

毛豆 at 11/24/2012 10:24 pm reply
係你既錯覺咋...食極都係個早餐囉... 樹根就係荔枝窩, 你係咪打算去拜訪下呢...果度d野都幾有趣, 好似上左堂地理堂咁
Anna at 11/24/2012 03:24 pm comment
小豆豆, 近來平平行山喎 !好叻呀 ! 行到4粒鐘我正係睇都覺好耐呀 ! 雖然行到腳底起泡, 終於完成, 也很不簡單呀!

毛豆 at 11/25/2012 10:36 am reply
哈哈..唔好太認真啦..講笑咋

Anna at 11/25/2012 10:33 am reply
以後不會再粗心大意了....

毛豆 at 11/25/2012 09:35 am reply
你好明顯生日興奮期仲未過啦

Anna at 11/25/2012 08:49 am reply
艾喲! 小豆豆,細聲d啦 ! 比人知道晒我咁烏龍啦 ! 明明好認真咁聽書ga, 點會.....

毛豆 at 11/24/2012 04:21 pm reply
係呀..依家唔熱嘛...4粒鐘唔算咩啦..之前都行過既... 起咩泡呀...又唔聽書仲要老作..你都得架啦
Jade at 11/23/2012 11:31 pm comment
而家呢啲天時,正係遠足好時候,身心舒暢,人都醒神啲

毛豆 at 11/24/2012 10:49 am reply
係呀...過左夏天之後, 就可以行架啦...
常歡笑 at 11/23/2012 03:02 pm comment
行山真的好多新奇嘢睇, 對身心又健康, 好過行商場千篇一律的店子, 但崎嶇不平峽窄的山路, 真的危險, 要小心呀! 行4粒鐘行到腳板底抽筋, 好甘呀!

毛豆 at 11/23/2012 04:07 pm reply
你知就好啦 腳板底抽筋主要係對新鞋底太硬既關係 , 呢次雖然4粒幾鐘, 不過唔算難行呢..
老猪. at 11/23/2012 12:53 pm comment
城里人能经常去乡间山村走走. 接接地气.真是美事一桩. 不过要有像你一样的好脚力才行啊! 那个石磨竟然能闲躺在那里. 没人动过脑筋把它搬回家去? 一定是太重了. 不要说石器时代了. 四.五十年前. 在大陆还很多见呢. 小的一个人就能推磨. 大的用小毛驴推. 磨出的粉浆都很香甜呢. 记得在北方喝过老乡用新收的玉米棒子磨碎后熬的粥. 叫棒茬粥. 至今还没喝到过这么好喝的粥呢. 攀根错节的树根. 藤树交缠的照片都很好看. 赞!

毛豆 at 11/23/2012 04:06 pm reply
可以穿梭山間林中, 好像為自己的呼吸系統來個純淨循環 ,人都爽快得多...其實也有好多短途可行的..不必太好的腳力, 只要量力而為吧... 那石磨都生了青苔,上半部也殘缺不全, 所以根本無人問津啦...小時家中都有個石磨, 包湯太的糯米粉及芝麻餡都是自磨的, 真是如今現成賣的難以比美,那便是真正的風味...好多北方窮人家的日常粗糧, 當今好多都成了富貴們的養生之食, 這世界真是變了
Jo 姐姐 at 11/23/2012 11:47 am comment
嘩 豆豆 妳巧勁啊 起咁大座觀音像, 真係唔使少銀兩呀

毛豆 at 11/23/2012 12:11 pm reply
呵呵....呢次真係幾甘下架..中間仲有一段大半個鐘都係山林中行..冇景超悶... D人太重貪念先成日要求神佛啦.
Luca媽@Azerbaijan at 11/22/2012 03:24 pm comment
着左行山鞋反而腳板痛,即係呢次都未係行山級數,未洗出動那雙專貴的行山鞋呀?! 那觀音好巨型呀,那善信真係有米,咪又係有所求要還神呀

毛豆 at 11/22/2012 05:20 pm reply
係換咗對新行山鞋,鞋底太硬既關係. 據說起黎為自己保佑,咁易"富貴如浮雲"咩
Kestrel at 11/22/2012 02:03 am comment
妳真係神心又健康,呢次行程直情甘到阿媽都唔認得啦! 做乜一味報告沿途見唔到人呀,家下妳好驚咩!一見到有人氣就即刻鬆一口氣咁款! 呢間寺係喺大埔嗎?如果係的話,應該係 "超人" 斥資起㗎!

Kestrel at 11/28/2012 07:46 pm reply
咁或者人家繼續為太座對佛教團體出一分力呢!

毛豆 at 11/22/2012 07:49 am reply
少少甘啦... 平日呢段路好多人行架...閒日完全冇人.. 咪係鹿頸囉...用筆錢幫下人好過啦..
Time Is Changing at 11/22/2012 01:01 am comment
纏綿遊戲過後,如何能捨得放手?

毛豆 at 11/22/2012 07:48 am reply
是定律或是愛不夠 告訴我這段纏綿遊戲過後 為何情不可永久 是事實並沒有真愛 或跟本我未看透
Ugly Witch at 11/22/2012 12:57 am comment

毛豆練定腳骨力著草呀

毛豆 at 11/22/2012 07:46 am reply
著草係我正職黎啦..
Lilo at 11/21/2012 01:27 am comment
毛豆可真勤快…..又行山 真是愈行愈起勁…..行到腳底抽筋….連腳底按摩都省了 今次可是陣容鼎盛…..不止有樹有蟲, 有山有河更有海 觀音像之巨....可否與大嶼山大佛比美

毛豆 at 11/21/2012 11:45 am reply
我從來都唔會腳底按摩 ...d小農玩意... 觀音像冇大佛咁大...不過係馬路都可遠遠見到...
嘉芙蓮 at 11/20/2012 07:07 pm comment
下次買個計步器去行山, 睇下一次行咗幾多步! 人話一行一萬步最好, 我諗你呢次都唔只一萬步喇.

毛豆 at 11/21/2012 11:51 am reply
邊使計步器呀..一定超哂啦.. 本地團應該係去呢度既...沙頭角一日遊嘛...
donsterz at 11/20/2012 11:44 am comment
the buddha is build by a millionaire in HK ~~~~ for his own luck at all ~

毛豆 at 11/20/2012 11:51 am reply
咪係...滿口神佛, 內心陰暗
BK at 11/20/2012 11:38 am comment
嘩⋯你使唔使踩到咁行 紅樹林馬拉睇唔原來香港都有 神奇樹根同纏綿古榕樹都係大自然既奧妙 巨大觀音座將會係繼大佛後的另一地標

毛豆 at 11/21/2012 11:51 am reply
風景一段段啦..中間山林中有段超悶.

八哥狗的女主人 at 11/20/2012 05:13 pm reply
這路線我都行過多次, 每次行到接近尾聲, 都很疲倦; 但風景優美, 值得一去再去 !
毛豆 at 11/20/2012 12:04 pm reply
C到呢...

BK at 11/20/2012 12:02 pm reply
睇見都走頭

毛豆 at 11/20/2012 11:53 am reply
你有本事咪跟囉 紅樹林香港大把啦...馬拉把鬼. 果度好多奇珍異樹, 好似上緊bio堂...得益良多. 起再多都冇用...內心咪一樣貪得無厭 !
Jasmaine at 11/20/2012 06:15 am comment
Jesus Christ!!! You walk, I watch!

Jasmaine at 11/22/2012 04:46 am reply
No, I might leave instead!

毛豆 at 11/21/2012 11:44 am reply
你睇睇下瞓著左啦

Jasmaine at 11/21/2012 04:33 am reply
Hey, I am not lazy. At least I did not say "You walk, I sleep!"!!!

毛豆 at 11/20/2012 09:37 am reply
你仲有冇懶D呀
噢!地利 Oh!tria at 11/20/2012 06:09 am comment
你時時都行山,其實你係咪畀人迫遷,變咗遊牧民族呀? 我個天橋底有位喎,唔使咁慘啦.

毛豆 at 11/20/2012 09:37 am reply
王子, 查實我著緊草呀.. 你係咪路架..天橋底我自己都有方圓5千哩啦..仲使鬼要你果D咩...最起碼都分割座古堡俾我悽身啦..吓嘛
Motonako.A at 11/20/2012 02:34 am comment
睇個路牌都知辛苦要走頭喇! 鬼影都冇隻唔怕睇倒劇集中的罪惡發生咩? 唉...行山着新鞋就梗係幣喇...喺屋企行鬆佢先嘛! 啲樹真係幾有趣噃...啲根走晒出嚟...少爺仔話要去睇喎...我話唔好喇啩?!?!?!? 我睇完就當行咗架喇...好似你諗完當煮咗咁囉...hehehehe...

毛豆 at 11/20/2012 09:34 am reply
係呀..呢次直情行勻整個山頭兜左個圈呀...好彩天陰陰唔使曬成黑炭咋...都幾C服既..唔會有咩罪案啦..呢條平時假日好多人行架.. D行山鞋既底係好硬架..一時半刻冇咩可能行得軟佢喎....下次會再著返對勁厚底既襪就冇問題啦... 嘩哈..少爺仔真係0岩啦...幾大都拖個呀媽去感受下 都叫左你去行下之前影既篇歌賦街啦...




沒有留言:

張貼留言