隨星星而火爆的炸雞 在韓國處處開花
就在住處附近都有一家 這天去了嚐鮮
就在明洞地鐵2號出口走回巷中 抬頭望見這家酒店
它的左手邊便是TWO TWO炸雞店了

分原味 調味 蒜香 蔥香以及可以2種味道各一半的半半
首先叫了原味 超好吃啦 一大碟KO光意猶未盡
再叫了半半的蒜香及調味
全部有配酸甜醃蘿蔔 中和炸雞的肥膩
侍者以為我們是帶走所以分別裝了紙盒
拎出才知我們還是堂吃所以就連鍚紙一並上台
調味是用了韓式辣醬 辣中帶甜 非常刺激
蒜味加入大量蒜泥 同樣回味
超大的份量 到最後戰鬥力開始下降 飽得不行
餐後由巷中走入 此地為南山區 巷中眾多的guesthouse
盡可能利用空白之地填上畫作
既便是工地口的圍板也不放過
各式小店都有自己的風格
已經望到南山塔
吞下那麼大份量的炸雞 我被人拖了去爬南山塔
食得炸雞多 係要還既XXD
好美的燈飾漫畫 夜晚每一塊都是發光的
但那一組相片又不知為何不見了
看來我真是遇到外星人也說不定
廢話少說 起程開始爬吧 穿過小巷
再過對面馬路 便是進入南山塔之通道
標誌都出現了
一來又是望不到盡頭的長梯
才剛開始 好在不算太遠
上次置身這半天吊之盒子內
望下路面 心想有機會可以走上山
這次機會就來了 真是多得那2碟炸雞
途中的街燈古色古香
還有1,200米 小菜一碟 繼續爬吧
有見孤獨的放工族一個人走上山
雖說是銅印 卻不易被發現的
既然我找到了 那說明運氣不錯
塔尖已現 路途卻仍然漫長
途中不時有放工族 及傍晚出來散步者
不知不覺來到這觀景台
霧色中的首爾市
不要停留 繼續上爬
越來越近了
終於見到上面的木板地 快到了
在纜車口捕捉它開出的一刻
又吊走了一盒子人
來到塔前的空地 有霧水放出 真是清涼
徒步到了目標地
大量鎖樹越見滿載
多得是痴情男女
向南山塔再致注目禮
由此下山回程
回望夜色漸濃的塔身
無意中打到的蝶影 2條觸角好特別
望下去的繁華路面
奇特的果子
依然有人爬上去 為的是欣賞南山塔之夜色
走在這鋪了橡膠的跑步徑
得以舒緩腳底的疲累
狗狗廁所
下完最後的石梯
好美的cafe 如同森林小屋
回到小巷中了
渾身濕透 像水中撈出 來枝雪條絕不為過

晚餐在此輕量意餐 相當有水準的意式小店
好多樓梯! 請問來回行了多久?
回覆刪除1.5km之嘛,來回唔使1粒鐘.
刪除炸雞好味姐,都唔洗搏老命卦大少姐!........哈哈哈....那奇特果子叫橡樹果呀!Acorn 囉!
回覆刪除之唔係好似前世未食過咁囉XXD
刪除係喎!一時醒唔起,多謝大少提醒!
食完炸雞, 行下, 消耗下, very good
回覆刪除還返哂啦~~
刪除爬上南山塔.....好勁,佩服佩服!!沿途都好多野睇唔會悶~
回覆刪除間間小店都好吸引喔)))))
1.5km咋,有幾勁 !
刪除係巷仔先有鋪,上左山徑冇野睇架喎.
睇完好想去KFC添.
回覆刪除KFC行埋一邊啦!
刪除旅遊還加行山........遊豆過足了癮!
回覆刪除炸雞......想試試, 但不會像樓上那位想去KFC :P
好過成日行shopping mall.
刪除炸雞真係好食,樓上有cheap cheap KFC食都好過冇了XXD
我喜歡Two Two炸雞店有雞冠的Logo,很可愛!
回覆刪除雞看起來也很可口。
徒步南山塔鍛鍊身體呀 ( ̄︶ ̄)
炸雞配美景,好幸福(* ̄︶ ̄*)
果隻雞冠係佢招牌黎呢.好搞野^^
刪除間鋪係門口睇以為好細, 入到去原來好闊落, 仲有樓上,座位都好鬆動, 好舒服.
幾款味都好食呀 ,吮指回味 !!
上落都唔使1粒鐘, 碎料啦^^
呢度都好多韓式炸雞店,但賣得貴,我寧願食韓燒。
回覆刪除熱天咁行梗濕哂,不過我都好似你咁唸,食咁多要還架!
韓式架啡店好有特式,間間唔同。
香港都有,但一樣唔算平, 一定係當地食最地道呢.
刪除呢日已經係黃昏, 起碼唔使爆曬啦..但都手中撈起咁..還返哂啦XXD
依家好多CAFE仲係有明星代言or入股既, 除左咖啡仲賣埋精品,超有商業頭腦.
我都有去呢個南山塔呢..但當時行到成身汗死死下...哈哈!
回覆刪除咁易俾你遇到外星人...? :p
我諗秋涼天行就真係唔錯,又唔係遠...
刪除我話你知真係好奇,總共8日既相, 單單得27號果日一張都冇哂 , 完全消失 !其他所有都係度, 我拎張卡俾人幫我整, 果人都話從未聽過有咁既事?????
我唔識解釋囉.
登山步道不错, 山顶的景观嚒,,,,,,,, 麻麻对了。 钢筋森林, 好像还有点雾霾。 你平日常登山, 对你就算是小菜一碟了。 还帮助消化。 一举多得 。 赞!
回覆刪除如果是春秋天或冬天都不錯的, 很多花開,及可以有雪景.
刪除這點路途真不算甚麼.
如果日日來跑山一定fit過費師傅XXXD
回覆刪除你似乎好想俾佢糟質咁喎XXD
刪除仲有, 你咩事咁多A/C?gael hk ,gael au ,gael sg...你條友係咪做間諜架@@
可能gael喱個朵太普通吧,人人都改得嘅
刪除全部都係你既 !
刪除