與其留意紙上一堆文字組成的食譜
不如出走市場
置身種類繁多的食材中
你便不難取得烹煮的靈感
蘑菇燜雙筍
以上湯燜煮最後收汁
易煮美味的小菜
不想太多配料 簡單的也手到拿來
蔥煮牛肉
大量的蔥段爆香加入牛肉快炒
美味瞬間即得
美味瞬間即得
西檸軟雞
在鮮果部買了檸檬
不單是沖茶飲用或只限甜品
加入菜餚同樣精彩
再往家禽部要了2大片雞胸肉
經過麵包房拎回2隻豬仔包
切粒烘脆再攪碎
便有了新鮮的麵包糠
裹上雞肉炸成金黃
表面酥脆內裡肉質鮮嫩
淋上檸檬汁煮成的芡汁
清新開胃的西檸軟雞即成為碟中佳餚
(※上圖西檸雞只限拍照 還未淋上芡汁 份量也屬部份)
在鮮果部買了檸檬
不單是沖茶飲用或只限甜品
加入菜餚同樣精彩
再往家禽部要了2大片雞胸肉
經過麵包房拎回2隻豬仔包
切粒烘脆再攪碎
便有了新鮮的麵包糠
裹上雞肉炸成金黃
表面酥脆內裡肉質鮮嫩
淋上檸檬汁煮成的芡汁
清新開胃的西檸軟雞即成為碟中佳餚
(※上圖西檸雞只限拍照 還未淋上芡汁 份量也屬部份)
HelloKitty at 03/19/2009 10:08 pm comment
毛豆: 小公主駕到喇, 有冇西檸軟雞請我食呀? 呢味餸我鍾意食架X100, 你粒豆, 咁寫意着住條裙仔去街街呀, 慢慢行咁揀下揀下, SO GOOD呀, 我入親超市都係滾水淥住隻腳咁架, 快快快呢, 噢, 你整的西檸軟雞好有心機呀, 自己買豬仔包再加工, 用黎包住塊雞胸肉, 相信有佢的保護, 件雞會是非常之好味呀, 點解唔淋埋啲汁再拍一張呢? 係唔係怕淋左身唔好食呀??
毛豆 at 03/20/2009 09:48 am reply
小公主 , 你又0岩食西檸雞呀 , 試下自己整啦 ,好易咋... 麵包糠我唔想0從咋 , 咪自己攪碎可以知個份量嘛.....你真係醒呀 , 汁淋上就即食啦, 再影埋相既 , 個雞面就腍哂 , 真係唔好食家啦.......
面包face at 03/17/2009 08:58 pm comment
親愛的, 我不是要MENU ING, 我是想你做給我吃耶 不過都好多謝你個MENU呀, 我一定會試既
毛豆 at 03/17/2009 09:52 pm reply
Darling , 你又黎搗漿糊呀.........
面包face at 03/17/2009 05:40 pm comment
豆豆...我都好想試下你碟西寧軟雞ar, 不過我要雞脾肉得唔得ar
毛豆 at 03/17/2009 05:58 pm reply
包包 ,雞脾肉都得既 , 你叫雞檔人幫你去哂骨 片成一片 , 咁就得啦........,(我就連皮都唔要既.....買左2個雞胸 , 但有碟中既四片 ) , 返黎洗淨 ,抹乾水份 ,用鹽 , 胡椒 , 檸檬汁醃 3隻碟中分別放麵粉 --->旦---> 包糠 ,順呢個次序沾勻雞肉 , 燒熱油 , 轉中火炸至兩面金黃 , 盛出 半個檸檬汁 +水 + 糖 +少少鹽 , 煮滾 , 試0岩味後 , 用凍水開少少生粉水打芡 , 淋上雞面食得....... (芡汁唔使一次淋落 , 少少先 , 唔夠再淋 ,可以保持雞脆身.......)
常歡笑 at 03/17/2009 03:54 am comment
都好, 有兩味啱食
毛豆 at 03/17/2009 08:45 am reply
係咪蔥粒加檸檬片呢........
at 03/16/2009 08:41 pm comment
西檸軟雞好耐冇食過............
毛豆 at 03/16/2009 09:04 pm reply
有冇興趣自己整黎食下呢.... .......你個邊大把雞肉買呀.......
PH Eunice at 03/16/2009 07:47 pm comment
西檸雞,睇見就流口水 嚟親你度都流晒口水,幾時整番啲飲品俾我哋補補水??
毛豆 at 03/16/2009 09:01 pm reply
招呼唔到 , 自便啦 .............
Little Paris at 03/16/2009 05:01 pm comment
包伙食可以嗎？？！！
毛豆 at 03/16/2009 05:28 pm reply
大鑊飯0岩唔0岩食呀........
Sa at 03/16/2009 04:16 pm comment
毛豆,睇見你嘅煮技我就只可以暗嘆不如......我都有整西檸雞,不過次次都係買現成嘅漿汁......失禮哂
毛豆 at 03/16/2009 05:27 pm reply
嘩......唔好咁講啦 , 我冇乜煮技家 , 都係見咩煮咩 , 家常野黎..... 我又未試過西檸現成醬汁喎 , 不過都冇所謂家 , 最緊要好食嘛.....自己整就用半個檸檬汁 +水+糖+鹽 , 煮滾 , 試味0岩左 , 再加少少生粉水 , 打個薄芡汁 ,淋落去就得了 , 酸酸甜甜 , 又有新鮮檸檬既香味 , 幾好既......起碼唔使有添加劑嘛.....你下次可以試下......
王木木 at 03/16/2009 03:38 pm comment
毛小豆豆豆...午安呀 我又有兩篇未睇喇 講得啱...有時要喺超市/街市行一個圈先有靈感...望住一大埋食譜都唔知整乜好~ 三個餸入面我最鍾意個西檸雞...仲要自家製麵包糠添...我一路以為整麵包糠係用方包架..原來用豬仔包都可以...好耐好耐冇食呢個餸喇....好掛住添 整咁多食唔食得晒架...我可以幫手架喎 個葱爆牛肉啲葱都好正呀...上個禮拜食佐個京葱羊肉, 啲京葱比我食晒咁滯呀~ 係呢個餸既主角嚟~
毛豆 at 03/16/2009 05:21 pm reply
王小木木木 ,夠鐘收工啦.......爽呀........ 你又鐘意檸雞呀 , 包糠用食剩既任何冇餡麵包都得家 ,焗幾分鐘脆身 ,再攪碎就係家啦.......你第日可以整定係度隨時用得......你又係蔥怪呀 , 我都係呀.......多多蔥好香 , 又吸哂汁味........正呀......
Clara at 03/16/2009 02:55 pm comment
毛豆!!!我好鍾意食西檸雞架~~~~慘呀!!過到黎呢邊都無食過呢味餸!!你勾起我的回憶~~
毛豆 at 03/16/2009 05:17 pm reply
嘩..........靚太.......你上次返黎 , 差唔多食勻東南亞咁滯喎.......咁....返左去想食咩既 , 自己煮佢出黎就幾時都有得食啦........好多時我都係咁呀 , 食過好味既野 , 又冇得成日可以食到 , 咪自己煮囉.......唔使成日回憶咁慘啦........
艾菲妹 at 03/16/2009 02:00 pm comment
原來配埋自製麵包糠...真係好有心思呢...我買餸好多時都要睇阿寶頭, 好難話見到咩買咩...唉
毛豆 at 03/16/2009 05:14 pm reply
艾菲 , 包糠將平時食剩既麵包 , 焗幾分鐘脆身 , 攪碎就係家啦.......我屋企冇麵包先專登去買咋....... 你問左呀寶想食咩先買仲好啦 , 等佢諗埋 , 你買就得了......好過自己諗嘛......
查查 at 03/16/2009 01:51 pm comment
我reborn啦~~~~你個西檸雞我鐘意呀!!!!幾時請我食jack~~
毛豆 at 03/16/2009 05:11 pm reply
你個查查查呀.........重返blog界啦........仲以為你仲冬眠緊呀....... 西檸雞你又鐘意呀.......估唔到冇茄醬都開正你飯喎.......
吳太-「玲」感蛋糕 at 03/16/2009 10:42 am comment
嘻嘻! 梗係啱啦! 唔知你今晚又煮咩呢!
毛豆 at 03/16/2009 10:51 am reply
呀太, 唔好咁對我喎 , 日日煮 , 我會死家.......咪當我係煮飯婆先得家........間唔中有mood煮 , 先有好野食家........
JC mama at 03/16/2009 01:51 am comment
毛豆妳好多fans霸頭位開飯喎！！妳廚藝咁好當然唔使睇食譜啦！我這初哥仲有排先得呀！
毛豆 at 03/16/2009 08:58 am reply
個班唔係等開飯家 , 全部係討債鬼黎咋..... 你又係度講笑啦 , 成間中餐館+燒臘檔都就黎開張了.......仲話初哥.......
Snow Snow at 03/16/2009 01:48 am comment
豆豆，你成日講得好容易，我呢ｄ唔識煮既，真係唔明咩叫上湯燜煮，咩之後收汁．．．所以．．．我都係決定睇你煮好ｄ！
毛豆 at 03/16/2009 08:52 am reply
兔兔 ,好耐唔見呀........ 上湯燜煮即係用加左上湯慢火煮 , 之後再轉大火收乾少少汁......唔使留太多湯係度咁囉......你都好煮得呀 , 唔好咁客氣喎.....
吳太-「玲」感蛋糕 at 03/15/2009 11:11 pm comment
呵呵!多麼美的一道菜 - 西檸軟雞!
毛豆 at 03/16/2009 08:49 am reply
靚太.......0岩食嗎........
金莎 Sally at 03/15/2009 10:35 pm comment
西檸雞正呀, 您都留兩塊俾我啦
毛豆 at 03/16/2009 08:48 am reply
莎.......等我淋返d汁落去 , 成碟俾你啦........我同你仲有咩計呀.....
冰冰Tracy Ice at 03/15/2009 10:29 pm comment
豆豆~你的西柠鸡~老猪看了一定流晒口水呢！
毛豆 at 03/16/2009 08:43 am reply
冰冰 , 咁你快叫老豬睇啦 , 等佢流下口水都好呀......
York at 03/15/2009 10:24 pm comment
第一道菜好正呀..............隻碟,第一次見你用呀,有格仔紋,正喎 如果將西檸軟雞放係第一隻碟到,就係perfect match呀hahaha 即係樣樣走菜啦
毛豆 at 03/16/2009 08:42 am reply
隻碟上次香芒牛柳用過啦 , 你條友梗係掛住食肉冇留意定了.......呢隻碟係有個深度 ,只可以放炒菜或西湯 ,意粉之類 , 西檸雞要鋪開 , 所以唔多0岩家........所以話你唔係路啦........擺你入去仲perfect呀.......
妹妹 at 03/15/2009 09:59 pm comment
毛豆豆豆~~ 好開心你為左我變左粒望妹豆啊﹗ 哈...哈...哈...我都唔知點解會咁鍾意食上海野架，不過每次出街食中菜，我都好想食上海菜啊﹗ 好啊﹗我等你買左我去上海，咁樣就日日都有上海菜食，仲可能會學你一樣煮返一餐美味的餸。
毛豆 at 03/15/2009 10:05 pm reply
妹妹 , 為左粒豆保持新鮮 , 你都係不宜成日出走啦..... 你咁鐘意食上海野 , 真係要學返幾味啦 , 咁樣可以隨時食到囉 , 又唔使下下出去先有得食....... 等我第日聯同包包 , 係上海幫你搵頭好人家 , 變賣左你之後 , 我同佢睇怕都夠去歐遊了.......諗得過....諗得過呀.....
妹妹 at 03/15/2009 09:17 pm comment
毛豆豆豆~~ 我返左黎啦﹗你黎兩日有冇掛住我係衣櫃啊﹗ 你煮的餸幾時都係咁靚咁好味架，今次又煮左我最鍾意的筍，仲要係煮雙筍，春筍同筊筍我都鍾意食架，仲加埋d蘑菇添，真係睇到我流晒口水啊﹗ 你仲煮多個蔥煮牛肉，大量的蔥段岩晒我，我係蔥怪黎架，多多蔥我都鍾意食，等我食晒d蔥留返d牛肉比你食啦﹗ 最後那個係我的超級鍾意食的西檸雞，不過我就只限出街食，係屋企係唔會有人整比我。 你連麵包糠都係自己一手包辦，幾時都話毛豆豆豆都勁勁勁啊﹗你幾時得閒整d比我食下啊﹗
毛豆 at 03/15/2009 09:50 pm reply
妹妹妹..........你遊蕩返黎啦........我直情將你燙得直不甩掛定係衣架上日望夜望啦.......我就黎變望妹豆啦...... 我覺得你都好鐘意食上海野喎 , 都話搵日我帶你去上海賣左你好過啦 , 咁你咪可以餐餐食上海野囉......呵呵..... 西檸雞我知係你既飛佛呀 , 你一返黎就煮黎你食 , 算係咁了瓜, 其實自己整好易咋 , 個麵包糠買成包返黎 , 次次用唔哂好0徙嘛 , 咪用2隻麵包整, 份量可以自己控制 , 咁咪仲好囉......
妹妹 at 03/15/2009 09:07 pm comment
毛豆豆豆~~ 我終於趕到返黎，攞第一啦﹗
毛豆 at 03/15/2009 09:46 pm reply
(Empty)
沒有留言:
張貼留言