2009/7/24

冷餛飩




今天大暑最好吃些開胃冷食
除了冷麵更令我食指大動的便是冷餛飩
在上海的7月天各麵店都會推出可口的冷食
除了數不清的冷盤涼菜外
其中冷麵可跟任何的拌菜
但冷餛飩卻可獨當一面
不需任何配菜只幾種調料
拌勻共食已是天下美味
今天我自己做了夢寐以求的冷餛飩
實在是對半肥豬肉甚為抗拒
便反傳統地自創餡料
蝦 小墨魚 菠菜再加調料
本來已成不錯的清淡餡料
又見還有一些姬松茸
也加入一起再添些香草調味
買了一堆麵皮回來盡量控制數量
清理   燙菜   剁餡  調味再包製
不偏不多地這麼多皮就包如此份量的餡
真是再準也沒有實在是出意料的驚喜

懶得開個大鍋寧可分3次才全數煮成

再分散攤涼 每個都保持完整實在開心

用大大的盤子奉上以麻油拌勻免彼此粘合

開稀的花生醬  淡豉油  辣椒油 陳醋各取所愛

這便是內裡的餡料

包得飽滿吃得充實

不剩丁點多餘


餐後還有綠豆薏米糖水

冰凍清潤入心入肺

如此清涼怕且想中暑都成難事










kelly at 08/04/2011 06:09 pm comment
呢幾日熱得飛起,最啱食冷餛飩和冷拌面啦!
面包face at 08/04/2009 10:08 pm comment
大小暑之日我只係識煲去濕湯來去暑, 你咁有創意, 真係唔抵得la
毛豆 at 08/05/2009 12:01 am reply
包包 , 你超級唔係路啦 , 身處上海喎 , 出街周圍都有得食啦...我唔抵得你就真啦..........邊係我創家.......我都好掛住呀........
Jo 姐姐 at 08/01/2009 01:17 am comment
天氣咁熱 食呢個至啱喇 爽呀
毛豆 at 08/01/2009 01:00 pm reply
係呀 ,Jo姐姐 , 天氣熱真係冇咩胃口 ,食冷麵 ,冷餛飩 ,就爽好多 , 最緊要易整 , 唔使搞咁多野嘛.......
蔚南 at 07/31/2009 02:50 pm comment
凍餃子都係一個好提議...不過熱到屎屎下都唔想整...自己撈個汁算吧啦, 順利可以清埋我包冷烏冬 Hehehe....
毛豆 at 07/31/2009 07:26 pm reply
凍餃子我又未試過喎.......一係餛飩  ,一係冷麵咋........
美蒨-Cindy Ho at 07/30/2009 01:31 pm comment
隻隻都包的好靓~煮熟又唔會爆開~勁呀!! 我唔識包架失禮晒~ 點解唔放韮菜既?不過,我都知唔係每個人都鍾意既!! 就好似你唔放豬肉改放蝦仁同小墨魚 (唉!我又自問自答喇~ )
毛豆 at 07/30/2009 09:50 pm reply
Cindy  ,我今晚又包多次呀........呵呵 ,唔想煮野 ,食冷野最正呀..... 韮菜多數包餃子 , 同埋同肉夾d , 我都鐘意食家 , 不過改下款咁囉.......包係好易 ,最多功夫係準備餡料.......
艾菲妹 at 07/27/2009 01:22 am comment
毛豆, 餛飩包得好靚, 整齊排列....好pro哦~
毛豆 at 07/27/2009 09:40 am reply
艾菲 , 冇咩pro啦 , 話哂呢家野我都係食大既 , 咁都唔識包 , 真係冇面見江東父老喎.......
Stone at 07/26/2009 10:50 pm comment
我地都整過餃子, 不過實在太肉酸, 所以相都冇影. 你整得好靚, 下次影下包o既過程, 等我地學返兩手傍身!
毛豆 at 07/27/2009 12:18 am reply
你又唔係去擺檔 , 最緊要好食嘛......靚又咩用呀....... 我2隻手都唔夠用 , 仲影相............係咪玩野先........ 樓下影子有個回應我講左包既步驟 , 你可以去望下........好簡單既.........
王木木 at 07/26/2009 06:32 pm comment
我都帶埋未進化晒既豬b嚟探你喇 今日好早起身所以瞓佐陣晏覺超爽呀 今晚係咪有人服待唔駛做呀
毛豆 at 07/26/2009 10:36 pm reply
小木 , 豬b進化到如此地步 ,真係唔知點算呀...... 你咩事唔返工咁早起身呀.......我起左身就唔會訓家啦.......冇習慣訓晏覺喎........今日點可能有人服侍呀.....全世界放假啦......
濃情朱古力碰上士多啤梨 at 07/26/2009 01:10 pm comment
............> ............> ...........> .........> .........新進化論 午安呀小毛豆...今日我帶返你既豬b新進化論黎探你呀..見到佢呢d樣真係好好笑..傻得好交關呢..痴痴呆呆坐埋一枱呀..哈 小毛豆你今日有冇去行下街咁呀??星期天你會唔會去飲茶呢?
毛豆 at 07/26/2009 10:32 pm reply
卡卡 ,今日超熱呀 ,豬B狂笑進化成咁 , 真係冇藥醫呀....... 今日你有冇出去遊下呀 , 我由上環 , 中環 , 金鐘 , 銅鑼灣去勻呀.......不過冇去飲茶 , 我好怕去茶樓呢........唔鐘意飲茶既.......
York at 07/25/2009 11:53 pm comment
件衫薄到好透視喎,令人想入菲菲 我係想話皮薄餡靚姐 你有無放塊豬皮入去,等佢入面多d汁呢~(好似小籠包先係咁喎!?haha)
毛豆 at 07/26/2009 10:29 am reply
食色性也.......你果然色途老馬 , 好 ! 有前途........係咪睇港男上左腦呀........ 你都識話小籠包先係咁啦 , 餛飩個2邊都冇封實既 , 點會儲到湯汁呀........我豬肉都唔想食 , 仲放豬皮 , 靠害呀.........不如我請你食個工事包呀........優質豬皮製家.........
王木木 at 07/25/2009 01:07 pm comment
............ ......... .........變種豬bb  好得人驚 小豆豆...今日唔曬喇..佢地一放工就開始落大雨...個天係咪有眼架 我都出街喇..約佐去整蛋糕呀  bye~~
毛豆 at 07/25/2009 01:23 pm reply
小木 , 個變種豬B超級唔係路啦 ,叫左佢唔好成日狂笑啦..... 你出去整蛋糕 , 整完識做啦.........幾大都預我份呀........我等食呀.......
Anna at 07/25/2009 12:35 pm comment
冷餛飩.   ..從來沒聽過沒食過 tim , 我係唔係少見多怪呢 ! 見妳包餛飩手勢真係叻, 隻隻包得好靚, 真係要偷下師先 !
毛豆 at 07/25/2009 12:54 pm reply
香港我淨係見有冷麵, 但冷餛飩真係未見過家......所以你唔好太介意囉....... 包餛飩唔難 , 最煩係整個餡呀 , 上次我整菜肉餡 , 剁到我幾乎想掉哂落垃圾桶呀, 手都軟.......又預多料 ,整餐懵呀....... 呢次好好多呀 , 每樣少少 , 而蝦同墨魚又好易剁,  幾野搞掂 , 所以好快手搞掂哂.......好好食呀.......依家咁熱, 食呢個最0岩啦.... ..
濃情朱古力碰上士多啤梨 at 07/25/2009 12:07 pm comment
小毛b 早你個大晨呀..食左早餐未呀?? 我始終得閒入黎嘆下冷 餛飩 不過果日大暑好似冇小暑咁熱wo..你覺得嗎??冷餛飩真係未試過呢..你一次過包咁多食得晒嗎?? 基基好鍾意食餛飩嫁..之前我都試過包過一次呢.. 我普普通通用韮菜加豬肉攪拌後做餡..好彩都ok呢.. 小毛豆我想問你除左用雞粉做湯底外..又有咩湯底甜甜地又清清地既呢??
毛豆 at 07/25/2009 12:26 pm reply
卡卡  ,你終於冇咁忙啦.........其實個日唔係豬B提我 , 真係唔知係大暑呀....我唔多理呢類既節氣既 , 都唔識啦......對我真係冇咩感覺囉......依家既天氣預左係咁熱 , 都係差唔多......... 冷餛飩我有次7月份去上海  ,食過好好味呀 ,跟住日日都食呀.....佢好似冷麵咁囉 ,撈勻醬料食 , 夏天唔錯呢.....基基咁鐘意食 , 你得閒可以包定放雪櫃 ,冇時間煮野咪淥黎食囉 , 我地食湯餛飩淨係生抽 ,麻油 ,胡椒粉  ,蔥花咁咋 , 最多都係加雞粉 ,不過我唔多食雞粉.......餛飩湯底係即整既 , 所以都好少煲定個上湯啦.......除非你一早煲定個上湯底係度 ,西芹 , 胡蘿蔔 , 洋蔥加金華火腿咁囉......不過好少咁做.........餛飩本身已有餡 ,所以個湯好簡單 , 主要係餡要整得好.......
無敵の部屋 at 07/25/2009 10:21 am comment
什麼是間歇性上鎖....係咩黎架 ! .....防騷擾 ?? 冷雲吞做好需要雪凍嗎 ?
毛豆 at 07/25/2009 10:57 am reply
選擇性上鎖....... 餛飩煮完放係室溫攤凍即食 , 唔需雪.........
濃情朱古力碰上士多啤梨 at 07/24/2009 10:32 pm comment
雖然我忙..但我都會抽空睇探你嫁,....等我呀小毛豆呀.. 唔好唔記得我
毛豆 at 07/24/2009 10:53 pm reply
嗦卡 , 好少依個時間見到你喎........忙成咁呀 , 早d休息啦.......我攤凍D餛飩留俾你.........幾時都開定門等你家啦.........慢慢啦.......
PH Eunice at 07/24/2009 10:26 pm comment
睇見都爽呀,等我都試下先。。。不過好可能係買現成嘅煮熟攤凍 綠豆未食都透心涼。。。毛豆毛豆,如果我住你隔籬屋就好嘞!不過你可能會鎖門唔俾我入屋
毛豆 at 07/24/2009 10:30 pm reply
你係咪路家 , 直情買返煮左既返黎  , 你攤凍先食囉......搞咁多野咩事先得家........咁就食唔到自己鐘意既餡囉..... 你住我隔離我養肥你.........到時你同我搏命咪屎火.........
Angela at 07/24/2009 01:48 pm comment
我咪講左淨係識一樣囉......旨意我.....祝你好運喇
毛豆 at 07/24/2009 10:17 pm reply
孺女不可教也.......
Angela at 07/24/2009 01:28 pm comment
車, 你又唔早講, 咁難得有一樣野係我識o既
毛豆 at 07/24/2009 01:31 pm reply
我鬼知你識包餛飩咁耍家咩........仲有咩識既全部自首 , 等我備案先........第日有咩想食既 ,旨意哂你..........唔係咩呀.......
菲爾所思 at 07/24/2009 12:32 pm comment
(Empty)
毛豆 at 07/24/2009 12:41 pm reply
have a nice day........
濃情朱古力碰上士多啤梨 at 07/24/2009 12:15 pm comment
鍾意玩卜呢呢既小毛豆你好呀,... 呢個公仔豬B咁鍾意..睇黎真係要帶佢周圍走先得.. 如果唔係一陣佢又發癲嫁LA
毛豆 at 07/24/2009 12:41 pm reply
卡卡 , 卜呢呢點都會俾你見到呢......豬b簡直上左身咁呀........冇左佢真係會發癲家......
王木木 at 07/24/2009 11:50 am comment
敲門...... 敲門......  消暑要緊既小豆豆喺唔喺到呀 我都想將我個blog上鎖呀...嚟緊呢幾日有時間要攪攪佢 你噚晚食既大暑食物好似我呀  我都係菜肉雲吞同綠豆豆腐花呀 其實我都想整冇肉既雲吞架...但媽咪堅持要整白菜豬肉 唉~  我想包蝦同菜...你呢個包法都幾靚喎, 我想學呀 個汁係咪同紅油炒手個汁差唔多架  下次試吓自己較個汁先 噚日好熱真係要飲啲綠豆水消吓暑
毛豆 at 07/24/2009 12:06 pm reply
小木 , 你又加防盜鎖呀 , 真係好大鑊喎...... 你下次試下呢個餡呀 , 又快又好味 ,我都估唔到咁好食呀......包法好易 , 樓下影子度我講左了,你去睇下明唔明啦........ 汁就好似冷麵咁, 逐樣撈d落去拌勻 , 你鐘意加咩都得家......但呢幾樣已足夠囉.........綠豆水係好消暑呀 , 飲多D啦........
Angela at 07/24/2009 11:32 am comment
餛飩我都識包架, 前幾晚媽咪唔想諗食乜餸所以我地都係食佢, 有韮菜豬肉同白菜豬肉. 裝餡o個隻係康寧碗? 點解要間歇性上鎖呀? 即係點呀?
毛豆 at 07/24/2009 11:59 am reply
早講嘛  ,知你識包餛飩 , 咪我唔使自己包啦 , 搵你包俾我食咪得囉......都唔係路既....不過下次試下海鮮餡啦 , 估唔到好正家.....係呀, 康寧碗, 你有冇買呢隻花呀...... 哦 , 冇........我玩下卜呢呢0者........你冇影響既 , 我呢去邊 , 你都見到既........
王木木 at 07/24/2009 11:12 am comment
小豆豆豆...好奇異呀 你篇blog明明寫住24號零晨出...但點解23號已經有人留到言
毛豆 at 07/24/2009 11:50 am reply
小木 ,篇野係23號晚11點出既 , 但之後我改幾隻公仔再post , 竟然話我仲未有網誌喎 , 之後要改時間再出先得呀........都唔知搞咩
亞B at 07/24/2009 10:49 am comment
綠豆薏米糖水<--好似好易喎~~~~~ 本blog已間歇性上鎖<--乜有賊入屋咩?
毛豆 at 07/24/2009 11:52 am reply
綠豆薏米洗淨加水煲得 , 最後先加冰糖......真係易過借火家..... 大把啦, 你都見唔少啦..........
妹妹 at 07/24/2009 10:27 am comment
毛豆豆豆~~ 早早早晨啊﹗今日又到happy friday,心情真係好唔錯啊﹗好彩你個 間歇性上鎖加無定向風唔關我事,我只要繼續睇到你就得啦﹗ 你又黎自己包餛飩,自己包真係可以揀最好又健康d材料,你今次d材料真係好多,第一次見落小墨魚,我諗口感真係好正。最鍾意黎個冷食的餛飩,有d似紅油抄手啊﹗ 我媽咪黎期都好鍾意自己包雲吞,不過佢就落左豬肉、蝦加粟米,最重要係d豬肉唔會好似街個d肥肉,我地就會放湯黎食,等我都試下整冷雲吞食下先,我諗都應該唔差啊﹗
毛豆 at 07/24/2009 11:54 am reply
妹妹 , 早你個大晨呀 , 上鎖點會關你事呀 ,都唔係路既你.... 我好鐘意食餛飩 , 但次次食菜肉餛飩都好認住裡面既半肥瘦呀......所以呢次幾大都唔用肉 , 食落安樂哂呀......加左辣油即係紅油炒手家啦......你都試下咁樣食呀 , 夏天食一流呀......
Jasmaine at 07/24/2009 09:22 am comment
Cold wonton?  That's new to me.  Well.... .since you made so many, I don't mind having a dozen or two, to try out!
毛豆 at 07/24/2009 09:56 am reply
冷餛飩只係室溫攤凍 , 唔係雪凍 , 依家咁既天時食 , 就好似冷麵咁  ,拌幾樣醬汁 , 好好家.....你要2打咁多.........食唔食得哂家.......
Maymay at 07/24/2009 06:24 am comment
好新鮮配搭,蝦, 小墨魚, 菠菜 都話睇完去買送,吾駛煩. 今晚買??好  
毛豆 at 07/24/2009 09:49 am reply
你咁早去耍太極呀..... 呢個夏天食唔錯家 , 唔使食湯既熱辣辣嘛.......你包既預埋我份喎.......
Kadas Mame at 07/24/2009 03:26 am comment
餛飩可以冷食架咩?  真係未試過喎..... 綠豆薏米糖水清熱氣又解暑. 正!
毛豆 at 07/24/2009 09:47 am reply
可以家 , 但唔係雪凍 , 只係室溫囉.......拌醬汁食 , 夏天好唔錯呀.......係呀 ,綠豆消暑好好呢........
常歡笑 at 07/24/2009 03:19 am comment
原來餛飩可以冷食, 可以放入雪柜凍些再食嗎?
毛豆 at 07/24/2009 09:46 am reply
冷食既意思只係室溫 , 唔好雪凍呀 , 佢有餡 , 雪太凍就唔好食囉 , 唔似冷麵嘛.......
JC mama at 07/24/2009 01:42 am comment
我都愛餛餛飩飩喎...包D比我就好啦!!冷食又幾好喎!!!...依..連毛豆都私有化呀?
舸兒 at 07/24/2009 12:34 am comment
冷麵是小時候常吃的,冷餛飩倒是還沒有嘗過。餛飩里的肉冷了吃,不怕嗎?等週末來臨,也試試自己做。
毛豆 at 07/24/2009 09:43 am reply
舸兒 , 上海賣冷麵既鋪頭都有冷餛飩既 , 佢仲係菜肉餡 , 撈埋好多醬料 , 室溫食 , 所以完全冇問題.......自己整就可以走肉 , 用其他餡  ,呢個海鮮餡唔錯呀 , 食得安樂d , 你得閒都試下.......
Winds at 07/24/2009 12:08 am comment
無呀!我去過 SH 3 次,一次出 trip,一次跟 tour,一次就 係舊年返去拜山 喇,無一次係 summer time。等我問吓我 Daddy 有無得食先!無你整俾我食呀 !
毛豆 at 07/24/2009 09:41 am reply
我都係得1次係大熱天時去過咋 , 佢7月中到先有既......個次真係日日都要去食一次先安樂呢.......
妹妹 at 07/23/2009 11:43 pm comment
毛豆豆豆~~ 搞咩野 本blog已間歇性上鎖 無定向風blog如其人  
毛豆 at 07/24/2009 09:40 am reply
妹妹 , 玩下卜呢呢囉 ,不過你點都唔會見唔到既.......
妹妹 at 07/23/2009 11:40 pm comment
毛豆豆豆~~ 仲諗住今次都冇死,點知比影子快一步添。
毛豆 at 07/24/2009 09:39 am reply
妹妹 , 你都好快手呀 ,起碼快過豬b啦 ,影子就真係唔係講笑 , 你都要學佢食多D糖水先得啦.......
Winds at 07/23/2009 11:08 pm comment
冷餛飩?我未食過啊!好想試吓啊!我而家過黎.......
毛豆 at 07/23/2009 11:12 pm reply
乜你咁快手呀......你有冇試過夏天去上海呀 , 好好食呀 ,我一路都好掛住呢 , 但好少咁熱既天去囉...........佢都係上海菜肉餛飩整既 , 係冷食 , 拌好多調味醬汁..........

沒有留言:

張貼留言