2009年8月18日星期二

蝦子茭白




毫無煮意的一天
又想做些甚麼
處在如此腦空白的斷層面
實在不喜歡如此感覺
像是有好多事要做
卻又毫無頭緒
茫茫然站在市集
就手可及的眾多食材
卻無從入手
遊了一圈又一圈
已引起檔主留意
此人煞是可疑
逼自己快快作出決定
以免引伸不必要誤會
隨手挑了茭白數枝
回家記起有蝦子醬油
簡單地調味已得極盡美味

kattebelletje 拍攝的 jiaobai 茭白 (not 莴笋 wosun)。

乾煸土豆絲
百吃不厭的鄉土小菜
超簡單卻超好味的
愛極
加入新元素黃薑粉
增添色彩之餘
更望防止老人痴呆的症狀過早出現
(現在像是已病得不輕)
家有食肉獸物體
想食素是絕不可行

拖了一條鷹倉
盤算著來個椒鹽倉魚
但一路清理時又改了念頭
用烤的
欖油  香草   紅蔥頭  檸檬  胡椒粉  粗粒芥末
鹽都不需一粒
味道絕對超讚
間中出現的腦空白狀態
倒也可以揍和著應付了一餐
阿門


Stone at 09/02/2009 12:23 am comment
味道絕對超讚 是不是真的啊?
毛豆 at 09/02/2009 10:51 am reply
梗係啦 , 次次煮既味道都好 , 只係呢次既魚焗完冇轉碟 ,所以睇落唔靚咋 , 佐都係用心煮家.......唔好味煮黎做咩呀.......
rabbitmay at 08/31/2009 10:35 am comment
算唔算係荀既一種呢?
毛豆 at 08/31/2009 11:59 am reply
廣東人都有叫茭筍既 , 但應該唔算同類.........
Winds at 08/23/2009 11:19 am comment
你點切到 D 土豆絲咁細咁幼咁 professional 架? 我又懷疑你 係大廚啦....普通主婦切 ng 到咁架 wor.......
毛豆 at 08/23/2009 12:09 pm reply
係用個刨家 , 刨幼絲既 , 幾下就搞掂啦 , 呢個土豆絲一定要刨 , 切會太粗 , 因係猛火快炒幾下 , 太粗會唔熟囉.......
濃情朱古力碰上士多啤梨 at 08/20/2009 02:54 pm comment
黎LA黎LA 毛豆你係咪出去食野呢??MIMI話出面好熱呀 你有冇帶遮呀?? 食飽飽而家好眼瞓 OHNO
毛豆 at 08/20/2009 10:04 pm reply
卡卡 , 係呀 ,晏晝出左去呀 ,超熱呢......我唔帶遮家 , 好麻煩囉.....盡量係室內囉........
濃情朱古力碰上士多啤梨 at 08/20/2009 12:11 pm comment
早晨呀小毛豆 個豬B真係痴痴地 忙都要上黎嗲幾句先走 真係唔知佢真忙定假忙呀 哈哈 今日咁熱又咁曬 你真係唔好出去行呢 我怕你行完返黎我唔認得你呀 不如你又落去太平洋坐下啦
毛豆 at 08/20/2009 12:36 pm reply
卡卡 , 豬b幾時都唔係路家啦 ,冇藥醫家啦佢.......有咩忙呀 ,忙周圍巡霸位囉........冇其他野好做家啦..... 我一陣要出去呀 ,你唔會唔認得我既 , 事關我唔係豬B , 唔會炮製黑炭家.........
rachel at 08/20/2009 09:11 am comment
成日都話自己腦空白..但又整倒貢多野出黎食..唔空果陣時係咪食9大鬼呀 茭白係咪黎架..未聽過添
毛豆 at 08/20/2009 09:50 am reply
就係諗唔到野先得呢少少野咋 ,平時閒閒地十樣八樣啦...係咪先呀........茭白影左相係度啦 ,咁都問.......
冰冰Tracy Ice at 08/20/2009 01:50 am comment
乾煸土豆絲~好正啊!卖相也一流啊!豆豆,赞啊~你总是有很多煮饭灵感呢!由此可见你是个好有心思的人啊!!
毛豆 at 08/20/2009 09:55 am reply
冰冰, 又捱夜呀 , 你得家啦........土豆絲幾時都鐘意呀.......呢日完全冇靈感呀 , 救命  ,腦閉塞呢........
飛毛華腿 at 08/20/2009 12:38 am comment
晚安,多謝你到訪my blog~~
毛豆 at 08/20/2009 09:55 am reply
應該我多謝你先囉......
Maymay at 08/19/2009 11:39 pm comment
我番黎啦!謝謝你到訪!
毛豆 at 08/20/2009 09:56 am reply
返黎啦.........玩得開心嗎........
PH Eunice at 08/19/2009 09:27 pm comment
好耐冇食過土豆絲,嘞用薑黃炒未食過呀,俾碟黎試下丫唔該... 薑黃可以防衰老架??
毛豆 at 08/20/2009 09:58 am reply
成碟拎去啦.......... 薑黃係防老人痴呆 ,唔係防衰老呀.........屎火囉.....你都好明顯症狀呀 ,咋咋淋去買大大樽食啦........
Angela at 08/19/2009 04:50 pm comment
其實我都唔知自己食過未, 不過肯定無響屋企食過, 因為我媽咪應該無買過, 其實係咪筍黎架?
毛豆 at 08/19/2009 06:04 pm reply
咋咋淋去拎返十打八打食啦  ,唔同筍既又........冇筍咁實囉......切角油豉油糖炒 ,已係好好食..........
HelloKitty at 08/19/2009 04:14 pm comment
咁你未無啦啦做左嫌疑豆豆囉 我未又係一樣, 日日提自己買鹽, 但日日去到超市就遊魂, 掛住嘆冷氣, 掛住諗東又諗西, 咩都唔記得買呀 嗰人去到街市直頭唔想街, 走人呀, 因為, 我唔想煮飯囉. 茭白, 我既方太書入面經常都教點整架 我噚日買左黑倉, 好, 搵日買條大鷹倉黎嗒下先
毛豆 at 08/19/2009 06:03 pm reply
係呀 ,小公主  , 係咁兜圈 ,真係行為可疑家.........好彩冇俾人盤咋...... 間唔中都會腦閉塞, 真係唔掂呀.......方太都教好多上海菜式 ,會經常用到呢類食材囉.......  
無敵の部屋 at 08/19/2009 03:56 pm comment
好似毫無頭緒, 卻又做出如此美食,  事實上你已經昇華到另一境界.... 亞長今話齋......食材新鮮加上心思, 更隨便材料的都變成佳餚
毛豆 at 08/19/2009 06:00 pm reply
個刻真係成個腦空白 ,我都好唔鐘意咁既感覺....... 基本上煮野食材新鮮係最緊要既 , 簡單調味已係好餸......你仲睇緊長金家  ,我睇左都唔記得囉.......
王木木 at 08/19/2009 03:05 pm comment
小豆豆...你咁樣行人地間商店..唔令人懷疑你另有目的都難喇 飄呀~ 飄呀~ 我成日行超市都係無目的, 好多時行一, 兩個圈都係兩梳蕉咁出番嚟架.... 茭白係咩嚟架...同筍一唔一樣架..土豆絲好味呀..好爽口..加佐黃薑粉去炒啲色都幾靚喎, 仲有啲黃薑味添~ 都唔係好食肉獸啫...唔食魚會大頸泡架 咁樣整鷹倉實好野味啫..烤既方法都幾好喎..放入去唔駛理佢..啱晒你喇..又可以繼續 喇 你成日都行上海鋪架...我每次聞到佢啲咸肉味我就想走出嚟架喇
毛豆 at 08/19/2009 03:46 pm reply
小木 ,我都唔想家 , 平時十樣八樣餸都等閒事 , 但腦閉塞真係一樣都諗唔到呀 ,超級痛苦呢......好彩快手離開 ,唔係真係俾人拉呀.... 茭白加左相 ,唔同筍家 , 有佢獨特既味 ,好食家 ,下次去試下啦......土豆絲真係幾時都鐘意 , 加左黃薑粉靚好多嘛..... 就係冇狀態 ,先用焗既 , 快好多又好味呀...... 我會有特別野買先去老三陽之類既 , 平時屋企樓下既雜貨鋪都有部份買 ,幾方便囉........  
常歡笑 at 08/19/2009 02:43 pm comment
哈哈............做菜像做夢般
毛豆 at 08/19/2009 03:41 pm reply
咪係........直情遊魂呀.........
Angela at 08/19/2009 01:49 pm comment
你咁有諗頭, 邊洗驚個腦一片空白喎, 個茭白好吸引噃
毛豆 at 08/19/2009 03:40 pm reply
你今次咩事唔讚下隻碟呀......老人痴呆呀.. .....我冇你咁醒 , 先成日腦空白呀..........茭白你食過未家.....
濃情朱古力碰上士多啤梨 at 08/19/2009 01:01 pm comment
滿腦空白既小毛 你好呀 又lunch時候 食咩好??不過我今日有飯盒呀 尋日冇食留返今日食呢 哈哈 wo 毫無煮意都可以煮到餐簡簡單單又香又正既餸 好得呢 茭白我真係未試過 係咪爽爽地嫁?? 土豆絲加左黃薑粉個樣當堂靚仔好多呢 不過我屋企好少用黃薑粉煮餸嫁 唔怪之得我屋企人呢開始有d老人痴呆咁啦 睇黎我要話過佢地知 食下黃薑粉先得 hehe 條魚好惹味咁wo 咁多調味 一定好好味啦 wo 毛豆你攪咩 唔知買咩好就係到兜圈 好彩你快快是但買d 如果唔係一陣當主以為你想偷野就屎得 頭條都有得你上呢
毛豆 at 08/19/2009 03:33 pm reply
卡卡 , 食左飯盒啦 , 依家好熱呀..... 腦空白真係好慘, 好似失憶咁咩都諗唔到 , 唔鐘意咁既感覺家..... 茭白都幾爽家 , 又易整  ,你下次試下.......土豆絲大火快炒就得 , 又係爽口既 , 好味呀.你要買定樽黃薑粉啦 , 佢冇咩味 ,都好易接受到呢.......煮咖哩都好正家.......鷹倉真係唔錯 , 焗好快搞掂...我諗唔到買咩呀 ,先係咁兜左幾個圈呢.........真係煩到暈囉.....
濃情朱古力碰上士多啤梨 at 08/19/2009 11:29 am comment
wo 小毛豆早你個大晨呀 攪咩豬b 成日都出沒嫁??有d恐怖呀佢 佢無時無刻都昅住你呢 驚驚 睇黎佢唔霸位唔安落呀
毛豆 at 08/19/2009 12:24 pm reply
午安呀 ,卡卡  ,係呀 ,豬B越來越唔係人咁品呀 ,超恐怖 , 成日神出鬼沒呀........霸位就黎係佢既正職啦.......
Jasmaine at 08/19/2009 05:17 am comment
What is 茭白 please?
毛豆 at 08/19/2009 12:10 pm reply
茭白係一種蔬菜  ,最簡單既炒 , 已好好味.......
JC mama at 08/19/2009 01:02 am comment
茭白我諗我未食過呀...而且加拿大無得買呢... 我最近都有最期老人痴呆呀...
毛豆 at 08/19/2009 01:11 am reply
茭白香港都唔係周圍有 , 係上海野黎既.......不過幾好食囉...... 嘩. 你又咩事呀 ,太多野做呀.....盡量放鬆自己啦 , 唔好整咁多野啦 ,收工休息下........
York at 08/19/2009 12:55 am comment
我又黎喇,係咪身手好敏捷呢? 黃薑飯我食過,仲好好味,粉就未食過,應該差唔多味,比條黎食下好喎! 條魚落左好調味,睇落都好香喎,雖然樣衰左d
毛豆 at 08/19/2009 01:06 am reply
夜麻麻冇乜人 , 你可以飛出飛入都得啦...... 你身手敏捷 ,但似乎眼力唔多夠喎 , 呢餐冇粉呀 , 一條條係薯絲黎家  ,你梗係趕得滯忘記戴老花啦........ 係呀 ,今日完全冇mood整野 , 條魚焗完都費事換返另一隻碟度 , 原盤上啦........芥末同檸檬汁混埋好好味 , 老闆食到唔停口 ,連邊邊既肉都食埋呀.....
王木木 at 08/18/2009 11:35 pm comment
小豆豆~~  咩貴姓呀...你係咪思覺失調唔記得我地呀 拍醒你先得喇..撞計你咩
毛豆 at 08/19/2009 12:07 am reply
小木 ,對得豬B多 , 多少都受左影響家......你都係啦..........0岩唔0岩先呀........我地搭一條船家嘛.......
王木木 at 08/18/2009 11:30 pm comment
攪咩又係豬bb架...係咪痴線架佢 無處不在呀
毛豆 at 08/19/2009 12:05 am reply
小木 ,   個豬B神出鬼沒家  , 你都咪過佢呀......超級唔係人咁品家......

沒有留言:

發佈留言