澳洲 -花絮-街景

澳洲遊來到尾聲
這裡紀錄的是所到之地的一些街景及花絮




Q Deck觀景台之後前往用餐途中

Rock友發燒地

地下有如星光大道的Rock友大名

當然少不得鼻祖

更少不得的一眾澳洲之星

這一類店鋪通常都是售賣當地的土產
店主多為亞洲人士如日本 韓國 港台
而同樣貨品以日本人的售價為最貴

真袋鼠見不到一隻袋裡有BB
這些每一隻都有袋袋兼裝著BB

我覺得拳手袋鼠最搞笑

大堡礁當晚的酒店Hilton
以園林設計為主

大堂

泳池

當眾人在泳池暢游之際
我又開始周圍巡視

來到酒店後園看到的另一番風景

面海的岸邊有個私家碼頭
平時應有遊艇在此停泊

更看到一場罕有的昆蟲生死鬥

門口處一隻強大的甲蟲慢慢爬行搜索

好像前方有目標出現

果然不遠處有另一隻已喪身的同類

牠爬上前從後用肢體緊緊扣住同類
看來可以大大美餐一頓了
雖說本是同根生
但也離不開適者生存 強者為霸的自然定律

走出酒店街道非常清靜店鋪也大多休假中
誰人留下的帽子和背包還有一袋物品

在街心花園內時值黃昏
百鳥歸巢場面相當震撼
連續幾條街的數十棵樹上百鳥齊嗚
吱吱喳喳喧鬧聲持續不絕

這幾張是看前往螢火蟲之夜初進入國家森林公園拍到僅有的數張
這些樹身呈闊大的板狀己有千年樹齡
就是用來造回力標的木材
而樹身上2大個咖啡色的圓塊便是被白蟻蛀蝕的痕跡

這條植物不要看牠如此纖細
牠的質地是想像不到的堅硬
是當地土著用來作拐杖的

在市區似乎沒有留意到有地鐵
但這類半空高架車卻周圍都是
有的整條路軌橫空跨越

有的忽然在一幢建築物中吞吐而出

QUEEN VICTORIA BUILDING外牆
經瀝了整個世紀有多的石雕依然保存良好

在QUEEN VICTORIA BUILDING的後面便是下踏的酒店

華麗的大堂

旁邊的cafe

凡越大都市容身之處卻相對窄小
這已成為全世界統一模式
身為過客心中早已有預料
不會有太多抗拒
特別令我不齒的是房中這一告示
幾款飲品小吃放在一個特製的盤中
只要一拿起便自動感應要你付款
如有不懂事的小童伸手拿取了
也不管3721的要扣款嗎
如此國際五星級集團酒店
連這種小錢都斤斤計較
不覺得太小家嗎
就是這堆送我都不要的千年小吃
留著變化石吧

澳洲特產之一的Nougat一大包有數種口味
在飛機上我已咬掉一大堆
一咬便不可收拾  不想如此殘害自己
這是我平時盡量少買零食的原因

Daddy's home

艾菲妹 at 01/30/2010 07:58 pm comment

我POST晒D相喺FACEBOOK, 但寫BLOG, 重係要DAY BY DAY咁寫...你好有心機呢... 不過每次睇返D相, 都係好開心...

毛豆 at 01/30/2010 11:09 pm reply

艾菲 ,講真寫遊記仲攰過去玩囉.......最慘係執相呀 , 太多嘛  ,我未寫blog前 , 出去好少影相 ,用眼睇仲好囉.......依家次次為左寫而狂影 ,都好無謂  ,好煩囉.....我唔多鐘意寫家........ 影個時係相機已設定好日期 ,每日分好左 , 執個時就方便好多 ,將一日既搬上黎就得了........不過都係煩啦.......

面包face at 01/20/2010 01:48 pm comment

豆豆...澳洲d街被我感覺好乾淨好寛敞, 令人有一種好舒服既感覺ar, 真希望可以快d去朝聖 另外我見到有人着住比堅尼係條街道行, 响炎炎夏日咁着法真係爽呀, 如果香港同上海都可以咁, 你話幾好呢

毛豆 at 01/21/2010 12:39 pm reply

包包 , 唔知係咪個輪假期呀 ,街上唔係好多人 , 地方就ok咁又唔會覺特別乾淨囉.......澳洲本身都係好大地方呀 , 淨係個大堡礁都有幾個英國咁大 , 唔小野家..... 包包 ,你可以著比堅尼係街行家  ,冇野喎  ,今年夏天就著啦 ,係你唔著咋 , 冇人話你家........

濃情朱古力碰上士多啤梨 at 01/18/2010 09:35 am comment

早晨呀毛豆BBB, 好溫暖呀呢兩日, 今日又到星期一啦, 我努力工作呢, 呵呵

毛豆 at 01/18/2010 01:27 pm reply

午安呀 ,卡卡 ,今日好好天呀 ,好正呢 , 我出左去0岩返黎咋.....你俾心機工作啦 , 加油呀........

iristoday at 01/18/2010 09:23 am comment

豆豆, Nougat好味, 我都好鐘意, 軟既硬既各有特色~ 間酒店好小家喎, 郁下都收錢, 拎起都唔等於一定要食架, 拎起見到唔鐘意唔要咁又要收錢呀? 唔係路呀~記住呢間集團先, 有機會出遊一定唔揀佢, 妳知啦, 我到時帶住兩個小公主, 肯定手多多啦, 一個睇唔實, 佢地拎晒d野出黎玩咁我埋單咪好甘..... 澳洲同歐洲玩法有d唔同, 各有各特色, 好鐘意妳影d相, 連昆蟲打交都比妳影埋, 服左妳lar~

毛豆 at 01/18/2010 01:26 pm reply

係呀 ,澳洲既Nougat好有特色 ,係個度既特產之一啦 , 款式真係好多 , 呢度只係一小部份咋...... Hilton真係越做越差 ,搵多多都唔夠個敗家女敗呀.......咪就係囉 ,大人就話會睇下0者 , 有豆丁仔係度 ,一定會好奇去攞家嘛  ,有大人都睇唔到佢地咁多家 , 總之一拎起就自動入數 , 好過去搶啦 ,真係好小家........我好多年前已唔會揀呢間酒店 , 唔止澳洲 , 其他國家既都唔掂  ,所以 ,如果唔係跟團既 ,我唔會住佢囉...... 歐洲主要睇古蹟 , 博物館之類 , 澳洲主要大自然 , 真係各有千秋  ,2度都唔錯.......不過依家去澳洲仲貴過歐洲呀.......當地既消費都好甘.......買枝水都起碼廿幾蚊...... 個日係返左酒店有一段時間休息 ,等再出去晚餐 ,我冇游水 ,所以就係酒店周圍行下 , 咁0岩見到隻甲蟲 ,就一路睇下佢 , 影低......

Jasmaine at 01/18/2010 08:51 am comment

What a mean hotel!!!! The Hilton, right?  Let me put this down, and make sure that I will not stay there when I visit Australia!!!

毛豆 at 01/18/2010 01:20 pm reply

Hilton依家越做越差 ,同埋都冇咩新店開 , 我住過好多間都唔好 , 所以 ,如果自己出遊 , 我一定唔會揀住佢  ,唔止係澳洲......

艾菲妹 at 01/16/2010 04:00 pm comment

毛豆好細心, 當大家掛住玩既時候, 你就努力的影下周圍的景物, 留個回憶...good~ 估唔到咁大間酒店會有呢D設備...一郁少炒就要比錢, 太小家喇...

毛豆 at 01/17/2010 03:28 pm reply

艾菲, 唔係細心啦, 只係呢段晚餐前既時間, 我又唔游水 ,所以周圍遊下八下........ 依家酒店諗既縮數真係好誇 , 但我覺得好小家囉.......

艾菲妹 at 01/16/2010 04:00 pm comment

毛豆好細心, 當大家掛住玩既時候, 你就努力的影下周圍的景物, 留個回憶...good~ 估唔到咁大間酒店會有呢D設備...一郁少炒就要比錢, 太小家喇...

濃情朱古力碰上士多啤梨 at 01/16/2010 03:18 pm comment

(Empty)

毛豆 at 01/17/2010 03:27 pm reply

卡卡 , 知你可以重出生天嘛.......

舸兒 at 01/16/2010 12:42 pm comment

黃金海岸的街頭就最有看頭！

毛豆 at 01/17/2010 03:26 pm reply

是呀 ,俊男美女成群........眼睛吃冰淇淋.......

Jasmaine at 01/16/2010 07:36 am comment

It is unusual to walk around like this in here:

毛豆 at 01/17/2010 03:25 pm reply

爽啦 ,不過呢度好近海邊 , 好多都係咁著........

JC mama at 01/16/2010 01:37 am comment

咁下一次諗定去邊未呀???...我諗緊啦 Hard Rock好少人去...

毛豆 at 01/17/2010 03:24 pm reply

都有睇左部份呀 ,不過未訂, 同埋好多都好爆呀........ 係呀 ,間野人影都唔多個 ,始終呢D唔係實用野嘛.......

常歡笑 at 01/16/2010 12:57 am comment

各款鳥結糖都好好食架!

毛豆 at 01/17/2010 03:23 pm reply

係呀 ,好好味呀 ,仲有軟硬之分 , 正呀.......

York at 01/15/2010 09:06 pm comment

你好勁喎,去澳洲一個星期左右都寫左兩星期既blog 澳洲都係無你上次去歐洲咁靚 你一個人ko左大半包nougat?有無食到帆蛀牙呀?haha 上面咁多種口味既nougat,我食過兩隻咋喎!!!其他果d係咪好好食架...(流口水中)

毛豆 at 01/17/2010 03:23 pm reply

係你叫我影多D相嘛  ,依家又嫌多 ,真係難服侍喎 ,大少........ 澳洲主要大自然為主 , 同歐洲既古蹟及風情唔同囉........各有各好啦....... 個度既Nougat好出名呀 ,呢個都係我唯一鐘意食既零食之一  ,佢睇落一樣  ,不過咬仲有軟硬之分家 , 仲有其他好多味道 , 全部都好味家.......

妹妹 at 01/15/2010 12:09 pm comment

毛豆豆豆~~ 早晨啊﹗咁快就去到尾聲啊﹗ 澳洲周圍d環境真係好正，係個道住都唔錯啊﹗ 黎間酒店真係好小家，應該係依家好多酒店都係咁樣，我重來都唔會食同飲酒店房個d野，一係d價錢全部都係天價，二係d野食同野飲都唔知放左幾耐，就算佢送比我都唔會食囉。 Nougat真係會令人食到停唔到口，一開左點都要食晒佢，所以我依家都唔會買啊﹗

毛豆 at 01/17/2010 03:20 pm reply

妹妹 ,仲話快 , 寫仲辛苦過去玩呀 ... 澳洲對環保做得好好 ,地方又大 ,係度住就見仁見智啦..... 呢間酒店越來越衰  ,我自己揀絕對唔會揀佢啦 , 咁小家 ,賺咁多錢可能都係俾個敗家女敗哂啦.....我都從來唔會食酒店房既零食 ,真係唔知放左幾耐.... 係呀 , 澳洲Nougat出名家 ,係當地特產黎  ,款同味道都好多 ,正呀........

王木木 at 01/15/2010 11:35 am comment

小豆豆 Happy Friday早晨喇 Nougat原來有咁多款味架...我淨係食過2款咋   零食都係一食就停唔到架喇..一次過食晒一包咪唔怕口痕痕想食囉 比堅尼女朗呀   澳洲人身材係咪好啲架..平均都冇咁肥咁 原來豆爸係風機師   好威呀 haha

毛豆 at 01/15/2010 11:50 am reply

小木,終於寫完啦 ,大佬 ,寫仲辛苦過玩呀 ,冇命.... 係呀 ,澳洲nougat出名正呀 ,有好多餡 , 不過我淨係鐘意果仁呀 ,有乾果既唔食 , 好甜囉.....係外國通街都有3點式 ,尤其近海灘既地方, 好普通咋.......都冇話身材特別好 ,都有肥有瘦啦..... 嘩, 小木 ,你又係度玩野呀 , "daddy's home"即係話"我返黎啦" ,咁解咋 ,唔關豆爸既職業家......

濃情朱古力碰上士多啤梨 at 01/15/2010 10:52 am comment

我又post唔到野喇, 唔打喇, 好煩呀 豆bbb早你個大安呀, 好暖呀今日, 不過元朗重係有少少凍, 香港區就溫暖好多呢, 正, 今次呢個trip你係咪好滿意呢??上次我朋友去澳洲都有買樹熊返黎比我呀, 好得意呢, 我覺得公仔同佢地真身冇咩分別咁, 因為真樹熊又係唔郁既, 懶到屎呀, 嘩嘩, 攪咩一早見到個咁惹火既3點式姐姐仔, 老闆有冇勁昅佢先??哈

毛豆 at 01/15/2010 11:42 am reply

卡卡 ,你又俾雅虎玩呀 ,成日都咁家.... 呢次既行程都幾滿意啦, 食住都好唔錯 , 人又少 ,一團得16人咋.....毛公仔我唔會要啦, 但有好多隻呢類既筆袋,都係之前人地送既 , 但我都係冇用啦.....3點式個度周圍都係啦, 完全冇咩特別囉......留返你叫基基睇啦.........呵呵.......